Luka 1:33-48

³³Thaj ka caruil ane kuštika e Jakovese sa e đivesa, thaj lese carstvose ni ka avol krajo.

³⁴A i Marija pučlja e meleko: “Sar ka avol gova kana sem me vađi čhej?”

³⁵Thaj vačarda lače o meleko o Gavrilo: “O Dux Sveti ka avol pe tute, thaj o Zuralipe e Embareso ka učharol tut. Golese kaj gova so ka bijandol ka avol sveto, thaj ka akhardol Čhavo e Devleso.

³⁶Thaj ak, ći bibi thaj voj ačhili khamni ane purane berša i ka bijanol murše. Thaj voj savi naštine ačhol khamni, akana si šov čhon khamni.

³⁷Golese kaj o Dol šaj sa so phenol!”

³⁸A i Marija phenda: “Ake i me sem sluškinja e Rajosi. Nek avol palo ćo lafi!” Thaj o meleko đelo latar.

³⁹A i Marija pale gola đivesa spremisajli thaj siđarda ani bregali phuv ano foro e Judejako.

⁴⁰Kana resli odori, đeli ano čher e Zaharijaso, thaj pozdravisajli e Jelisavetasa.

⁴¹Thaj kana i Jelisaveta šunda o pozdrav e Marijako, čhelda o čhavo ane lako đi, thaj i Jelisaveta pherdili Sveto Duxo.

⁴²Thaj dija vika thaj vačarda e Marijaće: “Em but san blagoslovimi maškare sa e đuvlja, thaj blagoslovimo o čhavo an ćiro đi.

⁴³Kotar manđe kava čast kaj tu i dej me Rajosi aviljan ke mande!

⁴⁴Golese dik, kana šundem ćo pozdrav ane mingre kana, čhelda o čhavoro ane mo đi.

⁴⁵Thaj blago tuče so pačajan kaj ka čerdol kova so vačarda tuče o Rajo!”

⁴⁶Thaj i Marija vačarda: “Slavil mo ođi mingre Rajo!

⁴⁷Thaj mo dux blagoslovimo si ano Dol mingro o Spasitelji,

⁴⁸so sasa milostivno pe sluškinjaće piraće, golese dik, od akana ka akharen ma blagoslovimi sa e manuša.