Genesis 40

1

2

3

4

6

7

8

9

11

12

13

14

15

16

17

18

19

21

22

23

24

25

26

27

28

29

30

31

32

33

35

37

39

40

41

42

43

44

45

46

49

50

¹Pharaoh-kenh warrkenh atherr, anyent wayn anthey-angker, warrkenh ingwer amern amperney-angker.

²Ratherr apmwelhelek. Pharaoh ikwer-atherr ahelirrek.

³Atyetyartel artwa ikwerenh-rnem ilanthek warrkenh renh-atherr tyayl-warl akwernetyek. Renh-atherr atherr-antey tyayl anyent-warl akwernek, Joseph-arl anenh-itwek. Rernem arleng-alenty aleth innga anenh.

⁴Atyetyart tyayl-arenyel Joseph renh ilanthek, ra artwa renh-atherr arntarnt-arayntetyek tyayl kwen.

⁵Ingwa anyentel artwa ratherr atherrel-antey altyerr arek. Akngey ingwerant atherr ratherr arek.

⁶Ingwepenh Joseph ra alhek, artwa renh-atherr aretyek.

⁷Ra renh-atherr arey-alhek, ratherrarl iterrenh artewentyel. Joseph-el renh-atherr ayernek, “Ilek mpwelanth artewentyel iterreyel?”

⁸Ratherr angkek, “Akngey aylanth arek, ingwer-rnemel apek aylekanth anayntileyang angka renh.” Joseph-el ilek, “Akngey rant angka arratyan iterl-areyel. Akngey arek-penh atyeng ilenherr-atherr atha apek iterl-aretyek.”

⁹Warrkenh wayn anthey-angker ra Joseph renh ilek, “Aylpa irrpety atha arek grapes-itwek, amern-angketyarr irrpety-antey.

¹¹Pharaoh-kenh irrkwa atha atnyenetyek grapes-rnem iltyel anterrkwenhemel grapes-penh akarr irrkwa ikwer-warl thelhemel. Pharaoh renh-anem anthek, ra antywetyek.”

¹²Joseph-el ikwer anayntilek, “Atha ngkweng ingkerrenharl iley, ilekarl ra aynteyel, aylpa irrpety yanhan, arlta irrpety-apenyarl.

¹³Arlta irrpety-penhan Atyetyartel ngenh aketh-warl tyarleweyenh. Ntwa warrkenh ikwerenh arrpemarl anem, wayn arrpemarl anthayntetyek, ntwa awank-akerr anthenh-angkwarr-apeny.”

¹⁴Joseph-el renh ilek, “Nga tyerrelhentyelan tyayl-they, Pharaoh renh ila, ra ayenh tyayl-they tyarlewetyek.

¹⁵Artwa ingwer-rnemelan ayenhan anyelkel inenh Hebrew-kenh apmer-ampeny-they. Ayeng nharl tyaylel aneyel, atha apmwel-areth mpwarey-angenharl. Ayengan arlarl.”

¹⁶Warrkenh amern amperney-angker ra altyerr ikwerenh-anem ilek Joseph-warl, rarl ingwel arek, Joseph-elarl arraty-angkwarr anayntilek. Ra Joseph renh ayernek, ilekekarl ra altyerr arekek. Atha altyerr arek arrpemarl.

¹⁷Amern-akert amernek-arelh irrpety akngeynenh akapwert irrwerlel. Thip-rnemel amern renh-rnem arlkweynenh amernek-arelh irrpety ikwer-itwek.

¹⁸Joseph-el renh ilek, “Alakenh-anyemarl angka yanhan aynteyel, amernek-arelh irrpety yanhan arlta irrpety-apeny aynteyel.

¹⁹Arlta irrpety-penh Atyetyartel ngenh ita rlweth-akem, inkwartey arreylpel. Ipma aylpar-arrerneynenh arwerl arlpenty irrwerl-warl. Thip-rnemel tyelk ngenh arlkwayntetyek.”

²⁰Arlta irrpety-penh Pharaoh-el amern tyenkerr arlkwenh warrkenh ikwerenh-rnem-akertel. Ra warrkenh ikwer-atherr yangkelhek, ratherr kwenty renh atyenhiletyek, rernem amern tyenkerr arlkwetyek ingkerrenhel-anem.

²¹Warrkenh wayn anthey-angker arrernek arrpemarl, ra warrkirretyek arrpemarl, ra warrk renh antheynek arrpemarl.

²²Artwa amern amperney-angkeran ra ingwer-rnem ilanthenh renh ipmek atwetyek, ipma aylpar-arrerneyenh arwerl arlpenty irrwerl-warl, Joseph-elarl ilek-angkwarr.

²³Ingkerrenh-angkwarr ayntek Joseph-elarl ilek-angkwarr-antey. Warrkenh wayn anthey-angker ra iylpelirrek. Atyetyart renh iley-angenh-antey, Joseph renh tyayl-they tyarlewetyek.