Diyoba 2

1

2

3

4

38

40

42

¹Laḡan ḡesaunemo aneya malamo a tava Bada matanemo ai ḡemoti munaḡedi bi Seitan kota vaitena ḡome.

²Kamaina bi Bada, Seitan i waitalayena gado, “Bamo maiḡa kuna tava?” Seitan i giuna gado, “Dobumo e yovoyovo saḡa bi e nawanawa yabayababa.”

³Kamaina bi Bada i waitalayena gado, “Bi egu taupaula Diyoba bamo kuna kita? Tana ba lava visuvisuna, mote aiyai ḡesauna mainana dobumo. Tana kauwa didimanidiḡa ya voivoiyedi. Kuna gwayagu te pilipili waibani geḡana e vite bi geḡa te yaḡolo ya vivivilegu bi ya kitakita kauwe te mote gebogebo ima voiye.”

⁴Seitan, Bada ena giu i waimunena gado, “Lava male ena ḡonaḡona matabudi ya lau avenakiyedina ba ya yawasana.

⁵Bamoda tubuḡina kwa taukoni bi yai kibitoina ba ya giu wai gebogebom.”

⁶Bada i giuwena gado, “Kamaina bi nimammo yà sakosako bi mote kumai peki.”

⁷Ḡome Seitan, Bada i gose kamaḡe bi i nawa. Bi wai boniboni Diyoba i vite tubuḡina matabuna, kaḡenemo te kununemo i laukamaḡe.

⁸Kamaina bi Diyoba veni ani ḡinina diyanemo, kovumo i miya bi tunina sabilemo i kwelikweli.

⁹Bi mwanena i giuwena gado, “Niga pilipilidi matabudi a nato lisimmo bi bai aubaina, Maimaituwa kwa vivivile bi yaḡolo te didimana kwa voivoiye? I visu te maso Maimaituwa kuna pasili bi kuna peki.”

¹⁰Diyoba mwanena i giuwena gado, “Em giu mai bu'uwa. Maimaituwa kauwa wapewapedi visuvisudi ya viteviteda bi kota gebogebodi i vitedana ba tai aninedi.” Pilipili wapewapedi Diyoba lisinemo a tubuḡa bi tana mote bai gebogebona mudunemo i vato Maimaituwa lisinemo.

¹¹Diyoba ena lava faiona isedi ba Elifas ena malagai ba Teman, Bildad ena malagai ba Suwa bi Diyofa ena malagai ba Namet. Diyoba ena pilipili a vaivaiye ba ai ḡemotidi bi miya sagusaguna aubaina a nawa.

¹²Manemanekemo Diyoba a kita bi mote a kitaḡone banina tana tubuḡina boniboni a ka gebogebo. Tedi ma ḡabedi edi kwama a lisidi bi dabedimo gobusa a yalaḡidi banina tedi ai nuwaboya.

¹³Bi doḡamo vaitena a miyana ba laḡan 7 bi dudubala 7. Mote aiyai bai i giuwe lisinemo banina a kita te i wai nuwatoi gulata.