1 Crónicas 5

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

¹Rubén, Israel-machi-sailaginedid. Rubén e-bab-omegi-dodosad-ular, bar machi-sailaginedyob gunonisulid. Ibmar-egadga-guoenadi, Israel-machi-José-e-masmalaga uklessunnad.

²Ar Judá bur bule e-gwenadganba gandik-megis-inigwele, degine, e-gwenadgan-dummadga-gusbar-inigwele, degite, ibmar-Rubénʼgadga-guoenadi ega uklessulid. Aka Joséʼga, degi, José-e-waganga uklesad.

³Israel-machi-sailagined-Rubén-e-masmala, wemalad: Hanoc, Falú, Hezrón, Carmi.

⁴Joel-e-wagan, wemalad: Joel-e-machi, Semaías, Semaías-e-machidi, Gog. Gog-e-machidi, Simei.

⁵Simei-e-machidi, Micaía. Micaía-e-machidi, Reaía. Reaía-e-machidi, Baal.

⁶Baal-e-machidi, Beera. Beeraʼde, Rubén-e-sordamar-e-dummadid. Asiria-e-rey-Tiglat-Pileser Beera-gasa sesa gusad.

⁷Beera-e-gwenad-e-gwenadganba, nug-ilemakar-maid, wemalad: Jeiel, e-gwenadgan-e-dummad, Zacarías.

⁸Bela, Azaz-e-machi, Azazʼdi, Sema-e-machi, Semaʼdi, Joel-e-machi. Zacarías, degi, Belaʼmala, Aroer-neg-nugadgi gudii gusad. Aroer-akar Neboʼye-neg-nugadse, degi, Baal-Meón-neg-nugadse napa ganonikid.

⁹Deginbali, e-moli-bebe-nikamalad Galaad-yargi ichesur mergusbarsoggu, agala, dad-nakwedsik Éufrates-diwar-maid-akale, nega-dulesulidgan-onodedse, neg-ganonibalid.

¹⁰Rey-Saúl-negsemaigua, Rubén-e-wagan, Agareno-dulemargi bila-onos gusmalad, geb egi naknoni gusmalad. Degidba, Rubén-e-wagan, bela Galaad-yar-naidgi dad-nakwedsik megismalad. A-e-negmar-bukwadgi gudii gusmalad.

¹¹Gad-e-wagan, Rubén-e-wagan-bukwad-asabin Basán-yargi ambikusmalad, degi, Salca-yar-naidse ambikusmalad:

¹²Joel, Basán-neggweburgi dummadga-megnonikid. Joel-sorbalid, Safánʼye nugad. Amar-sorba, Jaanai, Safatʼbogwa megnonikid.

¹³E-gwenadgan e-babgangi-danimalad, wemalad: Micael, Mesulam, Seba, Jorai, Jacán, Zía, degi, Heber. Bergwable walagugle (7) gumalad.

¹⁴Wemar-e-babgan weyob danikid: Abihail, Huri-e-machi, Huriʼdi, Jaroa-e-machi, Jaroaʼdi, Galaad-e-machi, Galaadʼdi, Micael-e-machi, Micaelʼdi, Jesisai-e-machi, Jesisaiʼdi, Jahdo-e-machi, degi, Jahdoʼdi, Buz-e-machi.

¹⁵Degine, Abdiel-machi-Ahí, Guni-e-wagwad. Ahíʼye-nugadi, e-gwenadgan-e-dummadga gudii gusad.

¹⁶Wemar, Galaad-yargi, degine, Basán-yar-naidgi ambikusmalad. Deginbali, Basán-e-neggwebur-burwiganagi, degi, Sarón-nainumargi gagan-moli-mas-nanaidgi, bela e-nainumar-ugakaase, ambikusmalad.

¹⁷Bela e-dadgan-igar-danikidi, Judá-e-rey-Jotam-e-ibagangi, degi, Israel-e-rey-Jeroboam-e-ibagangi narmaklesad.

¹⁸Rubén-e-wagan, Gad-e-wagan, degi, Manasés-e-wagan-negabalad, wemar bela sorda-mili-dulabo-gakabake gaka dulataled-ilagugle gaka dulapaa (44,760) sordamar-gandikmalad nikad. We-sordamarde sigu-abingaed-nikamaladid, es-suid-nikamaladid, degi, sigu-nikamarbalidid. Deginbali, bila-onoged nue-wismarbalidid.

¹⁹Wemar, we-dulemargi bila-onosmalad: Agareno-dulemargi, Jetur-dulemargi, Nafis-dulemargi, degi, Nodab-dulemargi bila-onosmalad.

²⁰Degi-inigwele, bila-onolenaid-abargi, Bab-Dummad-bengussurmaladba Bab-Dummadse ise-gollar imaksamalad. Degi, Bab-Dummad itosgua, bendaksad. Degisoggu, Agareno-dulemar, degi, bela-Agareno-dulemarba-bila-ononanaid ese galakusmalad.

²¹Degi, Rubén-e-wagan, Gad-e-wagan, Manasés-e-wagan-negabalad Agareno-dulemar-ibe we-ibmar-durgan susmalad: Moli-yargan-mureged, mili-dulabo-gakambe (50,000). Sibad-wawaad, mili-dulataled-ilabo-gaka-dulabo-gakambe (250,000). Moli-uayasuid, milibo (2,000). Deginbali, mili-dulatar (100,000) dulemar-gasbalid.

²²Ar bila-onogedgi Bab-Dummad eba gunaisoggu, agala, Agareno-dulemar bukidar girgusmalad. Deyob, Rubén-wagan, Gad-wagan, Manasés-wagan-negabalad, Israel-dulemar-gales-seledmaloed-e-ibaganse, Agareno-dulemar-e-yargi ambikunonimalad.

²³Manasés-e-wagan-negabalad bela-bela mergusmalad. Basán-yargi ambikusmalad, bela Baal-Hermón-yarse-bakar, ambikusmalad. Senirʼye-neg-nugadgi ambikusmarbalid, degi, Hermón-yar-siidse-bakar, ambikusmalad.

²⁴E-neguya-idudii gusmalad, wemalad: Efer, Isi, Eliel, Azriel, Jeremías, Hodavías, degi, Jahdiel. We-dulemar, bila-onogedgi dule-gandikmaladid, nug-nikamaladid, e-babgan-neggi sordamar-idudimaladid.

²⁵Aka bur Rubén-wagan, Gad-wagan, Manasés-wagan-negabalad Israel-e-Bab-Dummadgi gwisgudmalad. A-yargi-dulemar-baigan-bukusmalanad-e-bab-dummagan-e-nug odummodmalad. Bab-Dummad a-dulemar-obelos gusad.

²⁶Agala, Israel-e-Bab-Dummad we-Israel-dulemargi Asiria-e-Rey-Pul-egi-gwisguega imaksad. Pulʼde, Tiglat-Pileser-warbaagwadye (III) nugbalid. We-Pulʼde, we-negmar-nugadse Israel-dulemar-gasa sesad: Halah-neg-nugadse, Habor-neg-nugadse, Hara-neg-nugadse, degi, Gozán-diwarse. We-garda-narmaklenaidgine, amba agi bukwamalad.