ЛУКАША 3

1

2

3

4

5

6

7

8

9

10

11

12

13

14

15

16

17

18

19

20

21

22

23

24

¹А ў пятнаццаты год праўленьня Тыверыя кесара, калі Понцій Пілат начальнічаў у Юдэі, Ірад быў тэтрархам у Галілеі, Піліп, брат ягоны, - тэтрархам у Ітурэі і Траханіцкай вобласьці, а Лісаній - тэтрархам у Авілінеі,

²пры першасьвятарах Ганьне і Каяфе, быў голас Божы да Яна, сына Захара, у пустыні.

³І ён пайшоў па ўсіх навакольлях Ярдана, прапаведуючы хрышчэньне пакаяньня на дараваньне грахоў,

⁴як напісана ў кнізе слоў прарока Ісаі, які кажа: «голас таго, хто кліча ў пустыні: падрыхуйце шлях Госпаду, простымі зрабеце сьцежкі Яму;

⁵кожны дол хай напоўніцца, і кожная гара і пагорак хай абнізяцца, крывізны выпрастуюцца, і няроўныя дарогі зробяцца гладкімі;

⁶і ўбачыць кожная плоць ратунак Божы».

⁷Ян люду, што прыходзіў хрысьціцца ў яго, казаў: выродзьдзе яхідніна? хто намовіў вас уцякаць ад будучага гневу?

⁸прынясеце ж плады годныя пакаяньня, і ня думайце гаварыць самі сабе: «бацька ў нас Абрагам»; бо кажу вам, што Бог можа з камянёў гэтых узьвесьці дзяцей Абрагаму;

⁹ужо і сякера пры корані дрэваў ляжыць: бо ўсякае дрэва, якое ня родзіць добрага плоду, сьсякаюць і кідаюць у вагонь.

¹⁰І пыталіся ў яго людзі: што ж нам рабіць?

¹¹Ён сказаў ім у адказ: у каго дзьве адзежыны, той дай таму, хто ня мае; і ў каго ёсьць ежа, рабі тое самае.

¹²Прыйшлі і мытнікі хрысьціцца і сказалі яму: Настаўнік! што нам рабіць?

¹³Ён адказваў ім: нічога не патрабуйце больш вызначанага вам.

¹⁴Пыталіся ў яго таксама і воі: а нам што рабіць? І сказаў ім: нікога ня крыўдзіце, не паклёпнічайце, і задавольвайцеся сваёй платай.

¹⁵А калі люд быў у чаканьні, і ўсе думалі ў сэрцах сваіх пра Яна, ці ня Хрыстос ён, -

¹⁶Ян усім адказваў: я хрышчу вас вадою, але ідзе Мацнейшы за мяне, у Якога я няварты разьвязаць рэмень на абутку; Ён будзе хрысьціць вас Духам Сьвятым і вагнём;

¹⁷гарфа Ягоная ў руцэ Ягонай, і ён ачысьціць гумно Сваё і зьбярэ пшаніцу ў засекі Свае, а салому спаліць вагнём непагасным.

¹⁸Шмат чаго іншага зьвеставаў ён народу, павучаючы яго.

¹⁹А Ірад тэтрарх, дакараны ім за Ірадыяду, жонку братавую, і за ўсё, што зрабіў Ірад благога,

²⁰дадаў да ўсяго іншага і тое, што ўвязьніў Яна ў цямніцу.

²¹А калі ахрысьціўся ўвесь народ, і Ісус, ахрысьціўшыся, маліўся, - адчынілася неба,

²²і Дух Сьвяты сышоў на Яго ў цялесным вобразе, як голуб, і быў голас зь нябёсаў, які прамовіў: Ты Сын Мой любасны; Цябе Я ўпадабаў!

²³Ісус, пачынаючы Сваё служэньне, быў гадоў трыццаці, і быў, як думалі, сын Язэпаў, Іліеў,

²⁴Мататаў, Левіінаў, Мэлхіеў, Янаеў, Язэпаў,

²⁵Мататыеў, Амосаў, Навумаў, Ясьлімаў, Нагееў.

²⁶Маатаў, Мататыеў, Сэмяіеў, Язэпаў, Юдаў,

²⁷Ёананаў, Рысаеў, Зарававэлеў, Салатыілеў, Нірыеў,

²⁸Мэлхіеў, Аддзіеў, Касамаў, ілмадамаў, Іраў,

²⁹Ёсіеў, іліезэраў, Ёрымаў, Мататаў, Лявіінаў,

³⁰Сымонаў, Юдаў, Язэпаў, Ёнанаў, іліякімаў,

³¹Мэлеаеў, Маінанаў, Мататаеў, Натанаў, Давідаў,

³²Ясэеў, Авідаў, Ваозаў, Салмонаў, Наасонаў,

³³Амінадаваў, Арамаў, ісромаў, Фарэсаў, Юдаў,

³⁴Якаваў, Ісакаў, Абрагамаў, Тараў, Нахораў,

³⁵Сэрухаў, Рагаваў, Фалекаў, івераў, Салаў,

³⁶Каінанаў, Арфаксадаў, Сімаў, Ноеў, Ламэхаў,

³⁷Матусалаў, інохаў, Ярэдаў, Малелеілаў, Каінанаў,

³⁸іносаў, Сітаў, Адамаў, Божы.