Luuqaasa 3

1

2

3

4

5

6

7

8

9

10

11

12

13

14

15

16

17

18

19

20

21

22

23

24

¹Kawoy Xibaaryoosi Roome biittan kawotin, tammanne ichchashantho laythan, Phenxe Philaaxoosi Yihuda haariya wode Heroodisi Galiila haariya wode iya ishaa Filphoosi Ixuuriyasanne Xirakkonddoosa haariya wode Lisaniyoosi Ablaanisa haariya wode

²Haannaranne Qayyaafara kahine halaqa gidi de7ishin, Xoossaa qaalay Zakkariyaasa na7aa Yohaannisakko bazzo biittaa yis.

³Yohaannisi, “Hintte nagaraappe simmitenne xammaqetite. Xoossay hintte nagaraa atto gaana” yaagidi tamaarssishe Yorddaanose Shaafaa heeran de7iya biitta ubbaa bis.

⁴Hessika nabey Isayaasi ba maxaafan, “Bazzo giddon ba qaala dhoqqu oothidi, waassiya uraa qaalay, ‘Godaa ogiya giigisite, horogaakka piddi oothite.

⁵Aafo ubbay kumana, zumaynne derey ziqqi gaana. Wobbe ogey luulana, giigonna horogay qinxi gaana.

⁶Asho ma77ida ubbay, Xoossaa ashuwa be7ana’ ” gidi xaafidayssada hanis.

⁷Yohaannisi, ba kushen xammaqettanaw yida asaakko, “Hinttenoo, shoosha nayto yaanaw de7iya hanquwafe attana mela hinttena zoriday oonee?

⁸Hiza, hintte simuwa qonccisiya lo77o ooso oothite, hintte wozanan, ‘Nuus, nu aaway Abrahamey de7ees gidi ceeqettofite.’ Haa si7ite, ha shuchchatappe Xoossay Abrahames na7a kessanaw dandda7ees.

⁹Hekko, beexey mithaa xaphon de7ees. Hiza, lo77o ayfe ayfonna mitha ubbay qanxettidi taman yegettana” yaagis.

¹⁰Asay, “Yaatin nuuni ay oothinoo?” yaagidi oychchidosona.

¹¹Yohaannisi zaaridi, “Nam77u afili de7iya asi baynnayssas immo. Kathi de7eyssi baynnayssas immo” yaagis.

¹²Qaraxa qanxiseyssati xammaqettanaw yidi, “Asttamaariyaw, nuuni ay oothinoo?” yaagidosona.

¹³I zaaridi, “Hintte qanxisanaw kiitettoyssafe aathidi ekkofite” yaagis.

¹⁴Qassi wotaaddareti yidi, “Nuuni ay oothinoo” yaagidi oychchidosona. Yohaannisi, “Ooddebaakka wolqqan dafidi ekkofite, oonakka worddon mootoppite, hintte damoozey hinttew gido; ufayttidi de7ite” yaagis.

¹⁵Asay Kiristtoosa naagishe de7iya gisho Yohaannisa, “I Kiristtoosa gidanddeshshaa?” gidi qoppidosona.

¹⁶Yohaannisi ubbaas zaaridi, “Taani hinttena haathan xammaqays, shin taappe aadhdhidi wolqqaameyssi yaana. Taani iya caammaa wodoruwa billanaw bessonna asi. I hinttena Geeshsha Ayyaananinne taman xammaqana.

¹⁷Wudumman de7iya kathaa polo geeshshanaw pithey iya kushen de7ees. Geeshsha kathaa ba shaaliyan qolana; kaliya dhayonna taman xuuggana” yaagis.

¹⁸Qassi Yohaannisi asaa daro zore zoridi Wonggelaa odis.

¹⁹Shin Yohaannisi Heroodisi ba ishaa machchiw, Heroodiyada, ekkida gishonne haraa iita oosota gisho kaccida wode

²⁰Heroodisi kaseyssa bolla haraba ubbaa gujjidi Yohaannisa woyne gelssis.

²¹Yohaannisi qashettanaappe sinthe asaa ubbaa xammaqidi simmin, Yesuusikka qassi xammaqettis. I woossishin saloy dooyettis.

²²Geeshsha Ayyaanay holleda benttishe iya bolla uttis. Saloppe “Taani dosiya na7ay nena; ne tana ufayssaasa yaagiya” qaalay yis.

²³Yesuusi tamaarsso oykkiya wode iyaw hasttamu laythi gidishin, asay iya Yoosefa na7a gidi qoppis. Yoosefi Eele na7a,

²⁴Eeley Maate na7a, Maatey Leewe na7a, Leewey Malkka na7a, Malkkey Yoona na7a, Yooni Yoosefa na7a,

²⁵Yoosefi Mataate na7a, Mataatey Amoxe na7a, Amoxey Nahoome na7a, Nahoomey Asiliime na7a, Asiliimey Naage na7a,

²⁶Naagey Ma7aate na7a, Ma7aatey Mataatiye na7a, Mataatiyey Samaye na7a,

²⁷Samayey Yihuda na7a, Yihudi Yoonane na7a, Yoonaney Rase na7a, Rasey Zerubaabela na7a, Zerubaabeley Salatiyaale na7a, Salatiyaaley Neere na7a,

²⁸Neerey Malkka na7a, Malkkey Haade na7a, Haadey Qoosame na7a, Qoosamey Elmodaane na7a, Elmodaaney Eere na7a,

²⁹Eerey Yoose7e na7a, Yoose7ey Alaazara na7a, Alaazari Yoorame na7a, Yooramey Maate na7a, Maatey Leewe na7a,

³⁰Leewey Simoona na7a, Simooni Yihuda na7a, Yihudi Yoosefa na7a, Yoosefi Yoonane na7a, Yoonaney Eliyaaqeme na7a,

³¹Eliyaaqemey Maliyye na7a, Maliyyey Maynaane na7a, Maynaaney Maate na7a, Maatey Naatane na7a, Naataney Dawite na7a,

³²Dawitey Isseyye na7a, Isseyyey Iyobeede na7a, Iyobeedey Boo7eza na7a, Boo7ezi Salmoona na7a, Salmooney Na7asoona na7a,

³³Na7asooney Aminaadabe na7a, Aminaadabey Raame na7a, Raamey Arnne na7a, Arnney Asroome na7a,

³⁴Asroomey Faarese na7a, Faaresey Yihuda na7a, Yihudi Yayqooba na7a, Yayqoobi Yisaaqa na7a, Yisaaqi Abrahame na7a, Abrahamey Taara na7a,

³⁵Taari Naakkore na7a, Naakkorey Saruuge na7a, Saruugey Rehu na7a, Rehuy Faaleqe na7a, Faaleqey Ebeera na7a, Ebeeroy Seela na7a,

³⁶Seeli Qaynaame na7a, Qaynaamey Arfakisaada na7a, Arfakisaadey Seeme na7a, Seemey Nohe na7a, Nohey Laamehe na7a,

³⁷Laamehey Matusaala na7a, Matusaali Heenoke na7a, Heenokey Yaarede na7a, Yaaredey Malaal77ela na7a, Malaal77eli Qaynaane na7a,

³⁸Qaynaaney Heenosa na7a, Heenosey Seeta na7a, Seetey Addaame na7a, Addaamey Xoossaa na7a.