Luqaasa 3

1

2

3

4

5

6

7

8

9

10

11

12

13

14

15

16

17

18

19

20

21

22

23

24

¹Xibiraadoose geetettizays Qeesarey kawotida tammanne ichashantho laythan Phanxoosa Philaxoosa gizayssi Yuhuda biitta haariza wode, Herdoossi Galila biitta haariza wode, iza ishay Piliphoosi, Ixuriyaasanne Xirakondoose biitta haariza wode, Lisanoosikka Abloone biitta haariza wode,

²Haanaynne Qayaafay Qeeseta halaqa gidida wode Xoossa qaalay bazzo biittan diza Zakaraasa naa Yohannisakko yides.

³Yohannisi Yordanoose shaafa achchan diza dereta “Inte nagara atto gaanas nagarappe simmidi xammaqetite” giidi yootides

⁴Hessika qasse nabe Isayaassi “Bazzon hizgidi waassiza asa kooshinchi ‘Godas oge giigissite baasidikka lo7ethite.

⁵Shoobba biittay wuri kumana; zumatinne zumbullati wuri ziqqi gaana; geella ogey sitti gaana; moorettida ogey lo7o gidana.

⁶Asa zereth ubba ashshiza Xoossa wolqa beyana’ giidi bazzon waassiza asa qaala giiris” giidi ba maxaafan xaafida mala.

⁷Yohannisikka iza kushen xammaqettana yiza asas “Inteno ha shoosha nayto! Yaana diza Xoossa hanqofe haakkana mala ooni intena zoridee?

⁸Inte nagara oosoppe simmidayssa erisiza ooso ooththite ‘Nu aaway Abrahaamey nuus dees’ guus aggite gides. ‘Xoossi baas giikko ha shuchchatappe Abrahaames naa ooththi denthanas danda7izayssa erite’

⁹Kaltay mith qanxanas mitha xaphon dees. Lo7o ayfe ayfonta iita mithi wuri qanxettidi taman yeggettana” gides.

¹⁰Asaykka “Histin ay ooththonii?” giidi oychides.

¹¹Yohannisikka asas “Nam7u may7oy dizay issi may7oy baynda asas immo; qasseka qumay dizayka bayndades shaakkidi immo” gides.

¹²Qaraxa shiishshizaytikka xammaqetanas yiidi “Astamaare! Nu ay ooththinoo?” gida.

¹³Izikka “Inte azazettidayssafe bollara qaraxa shiishoppite” gides.

¹⁴Wotadaratikka “Nuni qasse ay ooththinoo?” giidi oychida. Izikka “Oona miishekka gidin wolqan ekkofte; qasseka oonanne wordon mootoppite; inte damozay intes gidana” gides.

¹⁵Asay Yohannisa beyidi “Hayssi Kirstoosee?” giidi ba woznan sidhides.

¹⁶Yohannisikka ubbas “Tani intena haaththan xammaqays; gido attin ta iza caamma birshanas bessonta taappe aadhdhizaddey yaana. Izi intena Xillo Ayananinne taman xammaqana.

¹⁷Balezan diza kathaa gafezappe geeshshaas kath suragiza pithay iza kushen dees. Baleza kumeththa geeshshana; gisteza qasse di7en qolana; gafezakka to7onta taman xuugana” gides.

¹⁸Yohannisi asa hara dumma dumma zore qaalara minithethi zorishe Mishiraachcho qaala yootides.

¹⁹Gido attin Galila biitta haariza Herdoossi ba isha macho Herodiyado ekkida gishshinne hara daro iita ooththida gish Yohannisi iza hanqida gish,

²⁰kase mooro bolla hara gujjidi Herdoossi Yohannisa qasho keeththan yeggides.

²¹Asay xammaqettidappe guye Yesusikka xammaqettides; izi woossishin saloy doyettides.

²²Xillo Ayanaykka haraphe misatidi iza bolla wodhdhides. “Saloppe ta dosiza nay nena; Nenan tani ufayettays” giza qaalay yides.

²³Yesusi Xoossa ooso oykkishin laythay izas heedzdzu tammu laytha mala gidana. Asaykka izi Yoosefe naa, Eelle naa,

²⁴Maate naa, Lewe naa, Milka naa, Yuhuda naa, Yoosefe naa,

²⁵Matotiyo naa, Amoxe naa, Naahoome naa, Isilime naa, Naage naa,

²⁶Maate naa, Matotiyo naa, Semeye naa, Yoosefe naa, Yuhuda naa,

²⁷Yoonane naa, Reese naa, Zerubaabele naa, Selatiyaale naa, Neere naa,

²⁸Milka naa, Hade naa, Yoosa naa, Qoosaame naa, Elimodaame naa, Eera naa,

²⁹Iyaaso naa, Eli7azaare naa, Yoorame naa, Maate naa, Eele naa,

³⁰Simoona naa, Yuhuda naa, Yoosefe naa, Yoona naa, Eliyaqeeme naa,

³¹Meeliya naa, Maynaane naa, Maxaate naa, Naatane naa, Dawute naa,

³²Iseeye naa, Iyoobeede naa, Bo7eeze naa, Solomoone naa, Naasoone naa,

³³Amnadaabe naa, Aarame naa, Aarone naa, Esroome naa, Faareese naa, Yuhuda naa,

³⁴Yaqoobe naa, Yisaaqa naa, Abrahaame naa, Taara naa, Naakoore naa,

³⁵Seerohe naa, Raaguwe naa, Faaleqe naa, Abeere naa, Saala naa,

³⁶Qayineme naa, Aarfakiside naa, Seeme naa, Nohe naa, Laamehe naa,

³⁷Matusaala naa, Henooke naa, Yaareede naa, Malali7eele naa, Qayiname naa,

³⁸Henoose naa Seete naa Addame naa, Xoossa naa, misatides.