YAASINƆ 8:8-22

⁸Yã kɛ̀ aↄ̃ↄ kú ma lɛ́nnↄↄ maa, aↄ̃ kee mↄnafiki ke sãsãna vĩro.

⁹À súusu asãnsideenↄnɛ píngi, à zɛ́ vĩ gbɛ̃ kɛ̀ aↄ̃ↄ dↄ̃na vĩinↄnɛ.

¹⁰À ma lɛ́damma sɛ́ dɛ kondogila, à dↄ̃na sɛ́ dɛ vura maaala.

¹¹Zaakɛ ↄ̃ndↄ̃ↄ bɛ̀ɛ vĩ dɛ gbɛ̀bainↄla, pↄ́ke nii kúmma kɛ̀ kà à ũro.

¹²Mamↄma ↄ̃ndↄ̃, má làakari vĩ, má yãkɛna a zɛ́a dↄ̃na vĩ.

¹³Vĩakɛna Diinɛn zana à zaaan ũ. Ma za zĩndasɛna lezĩn kↄ̃n ĩadãnao kↄ̃n kuuna zaaao kↄ̃n yãlɛkpɛɛ'onao.

¹⁴Lɛ́damma kↄ̃n faakɛɛo nɛ́ ma pↄ́mɛ, ma kiian gbãaa è bↄn kↄ̃n asãnsikɛɛo.

¹⁵Kínanↄ è kpata ble ma gãzĩmɛ, kpatablerinↄ è yãzɛdee diɛ kↄ̃n ma gbãaaomɛ.

¹⁶Gbãadeenↄ è iko kɛ ma gãzĩmɛ kↄ̃n anduna kpatadeenↄ ń píngi.

¹⁷Má ye gbɛ̃ kɛ̀ aↄ̃ↄ yemaziinↄzi, gbɛ̃ kɛ̀ aↄ̃è ma wɛtɛnↄ bé wè ma e.

¹⁸Auziki kↄ̃n gakuio kú ma ↄzĩ kↄ̃n ↄↄda kaaranao kↄ̃n kuuna nnaao.

¹⁹Nɛ́ kɛ̀ mɛɛ̀ ińnɛ sã̀ↄ dɛ vura maaala, kaarana kɛ̀ mɛɛ̀ kɛńnɛ dɛ kondogi wásawasala.

²⁰Má tɛ́ yãzɛde zɛ́n, mɛɛ̀ táa o zɛ́ súusu guu.

²¹Mɛɛ̀ gbɛ̃ kɛ̀ aↄ̃ↄ yemaziinↄ gba pↄ́, mɛɛ̀ ń auzikikaɛkiinↄ pańnɛ.

²²Dii ma kɛ zaa a zĩ naanagurↄ, ai àgↄ̃ gá yã kɛ̀ à kɛ̀ zaa káakunↄ kɛ.