YAASINƆ 19:3-11

³Gbɛ̃ntee faasaikɛɛ è zɛ́ yakanɛ, ben è Dii taari e.

⁴Auziki è tó wà gbɛ̃nna e pari, takaaside gbɛ̃nna è kɛ̃amɛ.

⁵Sèeda ɛgɛdee é bↄ pãro, ɛgɛdee é gí wɛ́ɛtãmma eziro.

⁶Gbɛ̃ paridee è kpatableri tↄ́ nnaa sí, baade píngi ègↄ̃ yezi gbadari gↄ̃ dɛ a gbɛ̃ ũmɛ.

⁷Takaasidee danɛnↄ è pã kpázimɛ, weé à gbɛ̃nnanↄ kɛ̃ana o dↄro. Tó èe wɛtɛɛ à yã ońyo, aↄ̃ègↄ̃ kú bɛro.

⁸Gbɛ̃ kɛ̀ èe ↄ̃ndↄ̃ kũu ye a zĩndazimɛ, gbɛ̃ kɛ̀ ye làakarizi è à maaa e.

⁹Sèeda ɛgɛdee é bↄ pãro, ɛgɛtori é kaatɛ.

¹⁰Lán nnamana e kↄ̃si kↄ̃n yↄ̃nkↄↄo nàro, lɛn zↄ̀ kíblena wɛ̃ɛnɛnↄa e kↄ̃sioro lɛ.

¹¹Làakaridee pↄↄ è fɛ̃ kpaaro, lákana taarilan à ĩadãbↄ ũ.