1Ech tau kileng ke het pe Noa tutuna nemur; Sem pe Ham pe Iapet te hoe tuturia mur ol.
2Ipet tutuna mur laka: Koma pe Makok pe Matai Iauan pe Tubal pe Mesek pe Tiras.
3Pe Koma tutuna mur laka: Askenas pe Ripat pe Tokarma.
4Pe Iauan tutuna mur laka: Elisa pe Tarsis pe Saiprus mur pe Totan mur.
5Ke nge hana nemur hehei pe hana te kila ole nga ruach ilina pe nga mimio mur. Pe te are ke te nananasia aria mata mur pe reria helenga pekngana mur.
6Ham tutuna mur laka: Kus pe Isip pe Put pe Kanan.
7Pe Kus tutuna mur laka: Sepa pe Hauila pe Sapta pe Rama pe Sapteka. Pe Rama tutuna mur laka: Sepa pe Tetan.
8Ne Kus i Nimrot temene pe i tala toto nga ich nge nena kerkerenga halang ke hekou sisio hana.
9Pe i non nenge Non Soke poia i ke letena matana toto nga huros hun ngana. Ana helenga nenge te heleia ke te teke, “Non nei hunun huros ke mange Nimrot nge Non Soke halaulaua i.”
10Kileng nemur nenge Nimrot nauele tele iri laka, kileng nenge Papel, pe Erek pe Akat pe Kalne. Kileng nemur tetu nga ich nenge Sina.
11Iok Nimrot lo haka nga lamau pe lange Asiria pe maheke tuele tana nenge Niniue hemes haka ngana pe tuele tana nenge Rehopotir pe tuele tana nenge Kala
12pe Resen. Tuele tana nenge Resen i tuele tana nenge palaungana toto pe tu nga kileng nenge Niniue pe Kala tunangaria.
13Iok Isip tutuna mur laka hana nenge Lut pe hana nenge Anam pe hana nenge Lehap pe hana nenge Naptu,
14pe Patrus pe Kaslu pe Kaptor. Ke Palestaen mur te lohot lake nge hana nenge Kaslu.
15Iok Kenan tuna nenge tengene ana laka Saiton nenge hana nenge Saiton reette ia pe tuna e pule ene Hitae,
16pe Iepus pe Amor pe Kirkas
17pe Hip pe Ak pe Sin
18pe Aruat pe Semar pe Hamat. Nga hoena mata nemur nenge Kenan te es keke hot rara,
19ke te are nga ich nenge talun nge Saiton ke lange Kerar pe Kasa pe mene tote ke lange Sotom pe Komora pe Atma pe Sepoim nga kilenge nenge Lasa.
20Iok nenge nei Ham tutuna mur nga aria mata mur pe reria helenga mur pe reria ich mur pe tuele kina mur.
21Sem tina nenge soke laka Iapet pe i hana nenge Eper reette ia.
22Pe Sem tutuna mur laka: Elam pe Ashur pe Arpakat pe Lut pe Aram.
23Pe Aram tutuna mur laka: Us pe Hul pe Keta pe Mas.
24Pe Arpakset tuna Sela pe Sela tuna Eper.
25Pe Eper tutuna mur iri nai: Elle ene Pelek luna laka “Chachia” iange nga etue nenge i tu hehei pe hana nga ich te chach hel ke tetu teu nga reria kaleu ramana mur. Pe ana non tina ene laka Ioktan.
26Iok Ioktan tuna laka Almotat pe Selep pe Hasarmauet pe Iera
27pe Hatoram pe Usal pe Tikla
28pe Opal pe Apimael pe Sepa
29pe Opir pe Hauila pe Iopap. Iri nemur Ioktan tutuna mur ia iri.
30Tuele kina nenge iri nemur tetu ia talun nge Mesa ke lange Sephar nga hengene mur nga chaia haka ngana.
31Iok nenge nei Sem tutuna mur nga aria mata mur pe reria helenga mur pe reria ich mur pe tuele kina mur.
32Ech taua kileng ke het lo pe mata ana tuluk nemur te lohot nge Noa tutuna mur. Pe mata elle pe elle aria nananga nga te lohot ngaria. Pe te tu ke altoto nga reria kaleu ramana mur.
