Sandane 5:6-18

⁶A mi tima siimayaan kiraan xɔn, a bata tantanna kiraan tongo, anu a mi a kolon.

⁷N ma diina, nayi n xuiin namɛ, i nama n fala xuine rawoli ayi.

⁸Siga kiraan xɔn naxan makuya na ɲaxalan sifan na i nama i maso a banxin dɛɛn na

⁹alogo i nama i ya binyen nadangu muxu gbɛtɛne ma, kininkinintaren yi i ya siimayaan kala

¹⁰muxune yi lugo i ya nafunla ra, i ya wanla tɔnɔn yi lu muxu gbɛtɛ xa.

¹¹Dɔnxɛn na, i fatin na xunna kala, i fasa, i lu kutunɲɛ,

¹²i a falama nɛn, i naxa, “A mi yi rafan n ma nun muxun xa n xuru, naxan na yi n sɔnna fala, na yi raɲaxuma n bɔɲɛn ma nɛn han!

¹³N mi yi n karamɔxɔne falane ramɛma, n mi yi n tuli matima e xaranna ra.

¹⁴Iki, n bata fa raɲan a ɲaxin na mafurɛn yamaan birin yɛtagi.”

¹⁵Igen min naxan namaraxi i konni naxan minima i yɛtɛ gbee xɔɲinna ra.

¹⁶I nama lu i gbee tigi igen naxuyɛ ayi taa yi kirane xɔn a din yamaan malandene ra.

¹⁷A xa findi i kedenna gbeen na! Ɛ nun muxu gbɛtɛye nama a taxun i mi naxanye kolon.

¹⁸Ala xa barakan sa i ya tigina fe yi, i yi sɛwa na ɲaxanla xɔn i naxan dɔxɔ i ya foningeya waxatini