1Dakayo ay Israelita, ibaga yo din namalpaligatan di kalaban yon dakayo manipod pay sin naisaadan di ili yo.
2Kanan yo, “Kanayon ay pinmaligat di kalaban mi manipod sin nanlogian di ili mi, ngem polos ay adi da inabak dakami.
3Palalo ay sinoplisoplit das dakami, nanbalinen da ay kaman payew ay naalado din edeg mi.
4Ngem si Diyos ay nalinteg et winayawayaanas dakami sin naibabag-enan mi.”
5Sapay koma ta amin ay mangililiget ed Zion yan maabak da ay maidenden.
6Kaman da koman logam sin toktok di beey ay daan magabot yan enggay natey.
7Maga di mangani ya mangsinop en daida.
8Maga di malabas ay mangibaga, “Sapay koma ta si Diyos et bindisyonan daka. Gapo sin lebbeng mi ay napon Diyos, bindisyonan mis sik-a.”
