Text copied!
CopyCompare
Bible Ni Thothup - Proverbs

Proverbs 20

Help us?
Click on verse(s) to share them!
1Ra pag oren e rrum ni mu’unum me ga’ lamam me balyang ngonglem. De fel’ ni ngan chingnag.
2Ngam tamdag ngak ba pilung nike damumuw ni bod rogon ni ga ra tamdag ngak ba layon nike puwan’; ga ra k’aring e damumuw ngak ma bod ni ngam li’em nga mum’.
3Demturug be’ nib balyang mrayag ni nge sunumeg reb e tugthin; machane bin nib ga’fan e ngan par u orel riy.
4Ba girdi’en e woldug nike pi’loren ngak ni nge gi’ e but’ ko yungi flang rok u fangin e woldug e dariy ban’en nra t’ar wom’ngin.
5Tafinay rok be’ e bod e ran ni bay u lan ba luwed nib to’ar, machane be’ ni bay e nangan’ rok e rayag ni nge l’ing.
6Ra be’ ma be weliy rogon feni fel’ nge feni yul’yul’, machane u uw e ga ra pir’eg be’ riy ni aram rogon?
7Bitir e bfel’ wa’athrad ni fa’anra chitamangirad e be’ nib yul’yul’ ma tin mat’aw e ma rin’.
8Ra par e pilung nga tagil’ ni nge pufthin, mra guy e kireb ma manang.
9Gur rayag rok be’ ni nge yog ni kari tamilang u lanyan’, ni kari machalbog ni dakuriy e denen rok?
10I SOMOL e ba fanenikay e girdi’ ni yad ma sasalpiy i tomaleg nge foleg ban’en.
11Mus ko bitir nma m’ug ko ngongol rok ko bmiti mang girdi’; rayag ni ngamog ko ba yul’yul’ ma ba manigil fa.
12SOMOL e pi’ lan owochdad ni ngad guyed ban’en ngay nge teldad ni ngad rung’aged ban’en ngay.
13Fa’anra go’ mol e ga be tay ma ga ra gafgow. Mu par ni ga be maruwel me yo’or ganam.
14En ni nge chuway’ e yug be togopluw nga tolngin puluwon e chugom, ma nap’an nra yan me weliy ni ba uf nga rogon nike fek nib sobut’ puluwon.
15Fa’anra gamnang e n’en ni ga be weliy murung’agen, ma bay ba tow’ath rom ni kabfel’ ko gol ara machaf.
16En rib gel e pinat rok ni micheg ni nge thang e malfith rok be’ nde nang owchen, e rdabisiy ni nge digey e gayog rok nge par ni talpen fare malfith ni nge math.
17Tin ka mu fek u fithik’ e sasaliyab e mang e ra flan’um ngay ni bod e bin th’abi fel’ lamean e ggan, machane ra ta’boch mra bod e yan’ nib sug u lan langam.
18Nge yag e fanow ngom ni bfel’ me fel’ rogon e tin ga be nameg; dab mu og nigem i yan ko mael ndawor mu tanomnag rogom.

19Dugdug thin e dabyag ni nge tay ban’en nib mith. Mu tem u orel rok e girdi’ nib mak’ welthin langan.
20Fa’anra um yibley ni nge buch wa’athan e gallabthir rom. Mra mus e birom e yafos ni bod ba magal nike math u fithik’ e lumor.
21Rogon feni mom e fel’rogon ni yag ngom, e aram feni lich e n’en nra fel’ riy ngom.
22Dab mu tay nga lanin’um ni ngam fulweg taban e kireb. Mu pagan’um ngak SOMOL ya ir e ra fal’eg nge fel’.
23I SOMOL e ba fanenikay e girdi’ ni yad ma sasalpiy e thabthabel nge rogon i tomaleg ban’en.
24I SOMOL e ke duwgiliy wo’dad. Ara ra di’in me nang be’ ko uw e gin be sor e yafos rok i yan ngay?
25Ngam fal’eg i tafnenag u m’on ni ngam ognag ban’en ngak Got. Ya richey mag kalngan’um riy ta’boch.
26Pilung nib gonop e ra pir’eg ko mini e be rin’ e kireb, mra gechignag ndabi kireban’ ngak.
27I SOMOL e ke pi’ e leam ngodad nge nangan’; dabyag ni ngad mithgad rodad.
28Ba pilung e ra i par lungun u gil’ u n’umngin nap’an ni be gagiyeg nib yul’yul’, ma ba mat’aw, ma der lanyan’.
29Gadad ma finey gelngin e pi’in kabpagel ma gadad ma tayfan e pi’in ke ilal nike manna’ lolgen.
30Yu ngiyal’ e ri gadad ra fek ba amith riy mfini thil pangidad.