Text copied!
CopyCompare
A BUK TABU A MAULANA KUNUBU ma A KALAMANA KUNUBU - Tinata Valavalar

Tinata Valavalar 20

Help us?
Click on verse(s) to share them!
1A polo na vain ia ra tena varkulumai, a tava longlong ia ra tena varangangar; Ma nina i longlong tana pa i kabinana.
2Di dadadar ta ra king da ta ra kunukula kai ra leon; Nina i vakankan ia i vakaina ia iat mulai.
3A magit na pite varpa pire ta tikai ba i ki irai kan ra varngangar; Ma ra umana lunga par dia varpuapuai.
4Ta ra e na madoldol ra tabauma pa i ipuk; Kari na lulul ta ra e na varuruai, ma pa na vatur vake ta magit.
5A varvateten ta ra bala i ra tarai i da ra tava i lulur, Ma ra tutana ba i kapa ra nuknukina na kulupe.
6Mangoro na tarai diat a varkuvo ma ta tikai ba na mari diat, Ma to ia i tikan tadav valar pa ta dovot na tutana?
7A tena takodo ba i vanavana ma ra dovot na mangamangana, A umana bul mur tana dia ti doan.
8A king ba i ki ta ra kiki na varkurai I kavie varbaiane vue ra lavur kaina magit par ma ra matana.
9To ia na tatike valar pa ra dari: Iau tar vagomgom ra balagu, Iau tar langalanga kan ra varpiam?
10A ura mangana mamat ma a ura mangana valavalarina, Dir par dir milmilikuan pire ra Luluai.
11A bul ikilik bula i vaarike ra maukuana ta kana mangamangana, Ba na dovot bar ma ba na takodo bar kana papalum.
12A kapa na talinga ma ra kapa na kiau na mata, A Luluai i ga pait dir par.
13Koko u ra lup va mat, kan una luveana tana; Una tavangun, ma una ti maur ma ra magit.
14Nina i kul ra magit i biti dari: Pa i boina, pa i boina; Ma ba i tar kap ia, i langlang me.
15A goled ma ra peal kiau na kalagi go kari; Ma ra tinata na kabinana ia ra ngatngat na magit na marmar.
16Una tak pa ra mal kai nina i tar vavalima ure ra vaira, Una kure pi na pait ot pa kana vavalima pire ra umana vaira.
17A magit na nian ba di ga long ia i kalami pire ra tutana, Ma namur ra ngiene na buka ma ra raga.
18Ba da tata guvai da vatur ra umana varkurai tana; Ma ba u mainge ra vinarubu, una nuk mal value pa ia.

19A tena varurai i vanavana vurvurbit ma i vaarike ra magit na pidik; Kari koko amur talaina ma ra lup tinata vakuku.
20Nina i tata vabilak tamana ba nana, Da pun vue kana lamp ta ra ngala na bingnimuna.
21Kan lua da kap rurut pa ra tabarikik, Ma namur pa da kedek tana.
22Koko una biti: Ina obo pa ra kaina; Una ki ung pa ra Luluai, ma na valaun u.
23A ura mangana mamat i milmilikuan pire ra Luluai, Ma pa i ko ra valavalar ba i vaongo.
24A lavur vinavana kai ra tutana dia vuna tai ra Luluai; Io, na kapa dave ra nuknuk i ra tarai ure kadia nga?
25I da ra palai pire ra tutana ba i biti vakuku dari: I gomgom; Ma ba i tar vavalima lua, namur i nuknuk.
26Ba ra king i kabinana i kavie vue ra umana tena varpiam, Ma i rama vue diat ma ra vil.
27A tulungea i ra tarai i da ra lamp kai ra Luluai, Ma i tikatikan ta ra lavur ngungu ara iat ra bala i diat.
28A varmari ma ra dovotina dir vaale bat ra king, Ma ra varmari i tukal vapadikat kana kiki.
29A umana barmana dia mamar ma ra dekdek i diat, Ma ra kua na ulu i ra umana patuana ia ra magit na minamar pire diat.
30Ra umana mememene nina dia varvakinkin dia vagomgom vue ra varpiam; Ma ra varvirit i tuk ara ra balana iat.