Proverbs 30

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

¹Pi thin ney e thin rok Agur ni fak Jakeh: “Demoy Got rog, demoy Got rog, ma dakriy gelngig.

²Da kugbod ba girdi’ kug bod ba gamanman; dakriy e nangan’ rog ni bod e girdi’.

³Dariy reb e gonop ni yag ngog, ma dariy ban’en ni gumnang u murung’agen Got.

⁴Gur bay be’ ni ka’a yan nga tharmiy kesul nga but’? Gur bay be’ nike kol e nifeng nga pa’? Gur bay be’ nike bachiy e day ngalan bang i mad fa ke duwgiliy e gin ni yan i mus e fayleng riy? Mini’ e cha’nir ni fa’anra gamnang? Mini’ be’ ni fak?

⁵“I Got e der ma thilyeg e tin ke micheg. Ir e bod rogon bangi shield ngak urngin e pi’in yad ma gaweg e ayuw rok.

⁶Fa’anra mog nike yog ban’en ni dawri yog, ma bay i yal’uwegnem me dag ni gur be’ ni ga ba sasalap l’ugun.”

⁷Got, gu be ning ngom, ni ngam pi’ ngog l’agruw i ban’en u m’on ni nggum’;

⁸Mu aywegeg nga dab ug sasalap l’ugun, ma dabri fel’ rogog ma dab rug gafgow. Ere mu pi’ ngog chi urngin e ggan nib t’uf rog.

⁹Ya fa’anra yug ra yo’or ngog, mrayag ni gog ni dariy angim ngog. Ma fa’anra gu ba gafgow, ma rayag ni gu moro’ro’ nggu m’aynag fan e Got rog.

¹⁰Dab mu thibthibnag ba sib ko masta rok, ya ra buch wa’atham ngam gafgow.

¹¹Bay boch e girdi’ nma togopluw ngak e chitamngin ma darir pininged e magaer ko chitiningrad.

¹²Bay boch e girdi’ ni yad ma leamnag ni yad bmachalbog ma krimusmus farad alit.

¹³Bay boch e girdi’ ni yad ma leamnag nriyad bmanigil — rib sororad u wan’rad!

¹⁴Bay boch e girdi’ ni kemang i tay ngorad ni yad ma gafgownag e pi’in gafgow nge pi’in nib t’uf e ayuw rorad ni bochan e nge yag gubin ban’en ngorad.

¹⁵Chogow e bay l’agruw i ppin ni fak, ni yow l’agruw ntunguy fithingrow ni “Pi’ ngog!” Bay aningeg i ban’en ni dariy e ngiyal’ ni yad ra gaman:

¹⁶fayleng ko yam’, le’engin be’ nder diyen, but’ nike mlik nike t’uf e n’uw riy, nge ba nifiy ni be daramram ni dabyag i taleg.

¹⁷En nma moningnag e chitmangin ara fanenikay e chitiningin nike pilibthir, e kabfel’ nra luf e arche’ ni raven lanmit me languy e arche’ ni vulture downgin.

¹⁸Aningeg ban’en nikaygi mo’maw’ ngog ni nggu nangfan:

¹⁹ba arche’ ni eagle ni be changeg u lanelang, porchoyog ni be yan u daken ba war, bbarkow ni be pir’eg wo’en u maday, be’ nib mo’on nge be’ ni bpin ni yow ba’adagew yow.

²⁰Ba’aray rogon e ngongol rok le’engin be’ nde yul’yul’: ma iling, me maluk me ga’ar, “Machane dariy ban’en nib kireb ni ku gu rin’!”

²¹Bay aningeg i ban’en ni dabyag ni nge kadan’ e fayleng riy:

²²ba sib ni mang pilung, be’ nib balyang ma bay rok urngin ni ba’adag ni nge kay,

²³be’ ni bpin ni dabuy daken ni un ko mabgol, nge be’ ni bpin nib sib ni fek lon e re pin ni masta rok.

²⁴Bay aningeg i gamanman u fayleng ni yad ba achichig, machane riyad ba llowan’:

²⁵Apurgog: yad ba me’waer, machane yad ma kunuy garad u nap’an e yal’.

²⁶Mmit e boro’ nma par u thilin e war: e yad me’waer, machane yad ma ngongliy taferad u fithik’ e war.

²⁷Asamning ni locust: e dariy e pilung rorad, ma yad ma yutha’ nib yaram.

²⁸Adburru’: e rayag ni mu kol ngalan pa’am, ma kiyma piri’egrad u lan e naun ko pilung.

²⁹Bay aningeg i ban’en ni yira yaliy ma ba gamog ya’an nma yan:

³⁰layon, ni yad e th’abi gel u fithik’ e gamanman ma dariy ban’en ni marus ngay;

³¹kaming ni pumo’on, dirra’ nib yowlop nge pilung ni yan u p’eowchen e girdi’ rok.

³²Fa’anra gab balyang nike tolngan’um ma kam tanownag ban’en nib kireb, ma ngam tal ngam leam!

³³Ga ra gurfiy e milik me yib ni butter. Ga ra tuguy p’ethungun be’ me yib e racha’ riy. Ma fa’anra mu k’aring e damumuw, ma ga ra aw nga fithik’ e oloboch.