Maki 4:23-33

²³Izano agesa me'nenigeno nentahisimofona, atregeno ama kea antahise hino.

²⁴Mago'ane anage huno zamasmi'ne, kema nentahizana antahi so'e hiho. Tamagrama amisaza avamente, ana avamente tamagrira neramamino, mago'ane agofetu huno tamamigahie.

²⁵Na'ankure iza'o eri'nenimofona mago'ene agofetu huno amigahie. Hagi iza'o e'orinesimofona, osiama eri'neniazana eritre vgaregahie.

²⁶Jisasi'a mago'ane anage hu'ne, Anumzamofo kumamo'a, mago vahe'mo avimza avi mopafi ruranino kriankna hu'ne.

²⁷Kriteno umasenegeno feru ene kenage'enena hageno, ana avimza avimo'a ru hanana huno hagegeno, anama hageana nankna huno hage'neo agra ontahine.

²⁸Mopamo'a agra'a azerinena higeno ne'zama'a rente'ne, esera asina reno rampa'a fore huteno, anante amosare aheno, rampareara nezana rente avinete.

²⁹Anantera raga'a renteno nena hutegeno, agena kazaki kazinteti eme taga hu'ne, na'ankure hozama hamarekna egeno'e.

³⁰Jisasi'a mago'ane anage huno zmantahige'ne, inankna ke hunteta Anumzamofo kumakura hugahune. Inankna fronka ke hunteta eriama hugahune?

³¹Masteti raga'agna hunege'za mopafi negrize, ama mopafima me'nea avimzana agatereno onensatfa hu'ne.

³²Karitageno'a hageno nena huno, maka hozafima me'nea ne'zana ra huno agetenereno, rama'a azankuna'a hageno vuno eno higeno, maka afi' namamo'za ana zafamofo tonapi nona eme kigahaze.

³³Ana nehuno rama'a fronka kefinti zamagrama antahi ama hanaza avamente zmasami'ne.