Maaruku 4:23-33

²³Nkhama ntthu onaaye mashiilo oosiila, asiile!”

²⁴Aphano, khuwooza yoori: “Phoole na epile mwinsiilaaye. Na mphimo otthuupo mwinttelaaye owaaphimela azeenu, mwinttela ophimeliwa otthuupo, na theenya mwinkeene mwinlawa mweekezeliwe.

²⁵Otule ariina, onlawa eekezeliwe; ila otule ahina hatha etile vattitthiiru ariinaaye ontta onyakanyiwa.”

²⁶Ye khurutela olupa yoori: “Ofwalume wa Nluku ori nkhama ntthu anzalaaye peewu yawe vathi.

²⁷Hatha nkhama eetta olankha, ama hatha nkhama eetta olala, yo zinoottha na zinwula, ye woohijuwi nanna erettikhaniyeeyo.

²⁸Otthuupo oniima mishumo zaya: yamwanzo nyaani, elottelanaka ntathi, mwiisho, phunje zawiitaala va ntathi.

²⁹Amana peewu ekhomaala, ntthu onttela othuula eesu, maana wafiya wakathi wa wuurula.”

³⁰Yinsa khurutela olupa theenya yoori: “Ofwalume wa Nluku onlattanana niini? Nlikaniso-ni ninttelaaye orumeyela yoori nithoonyeze?

³¹Ori nkhama phunje ya samuli, etile yiiyiye phunje yootepa opushuwa vathi apha.

³²Ila, paata ya ozala, zintta owula channu, zayita mathapa ooshi.”

³³Khwa milikaniso zooshi zoolattana, Yinsa aari owooza monkoni wa nttakhuzi, nanna aari owahaaye oweeleya.