Maleko 4:23-33

²³Fafabeyamiu, au ataꞌatahi komakoman!

²⁴Yo ya falibadi hinaga iyen, Somo ami atahi mate au fadosi komakomaniꞌi! Lufa laꞌina somo wa fapaisowa haba gonogonowana ai lisim sa fapaisowa e haba ya diꞌoi.

²⁵Yena sai somo lisina yai mate Yaubada haba ya falaꞌi. Na sai higeꞌe mate somo begana lisina yai hinaga haba ya kamfahi.

²⁶Yesu ya liba fuyo iyen, Yaubada Aba Baꞌisa itaꞌitana doha taumoho hesa tuma ya lau falili gabu yai.

²⁷Lahai fisa mulidi yai tuma wa ya in. In moho sidohana ena inꞌin yo ena laꞌilaꞌi hige i sibai.

²⁸Tanohi iyabona tuma wa ya faꞌin be ya fuwa. Bwaꞌibwaꞌina mate atipuna bigabigana ya taumahata, habahim ya taya be tumana ya toledi.

²⁹Ya anaho be ya tomo.

³⁰Yesu ya falibadi iyebom, Yaubada Aba Baꞌisa doha somo? Heyaheyason somo haba te fapaisowa be te fatau gonogonowa?

³¹Itaꞌitana doha ite: Taumoho hudoꞌi umaꞌuma hesa tumana kiukiu wananaha ya umahi.

³²Hige walolona ya in, be gabu anꞌandi haisa ya tubu famulidi na ataiꞌa sa lofoma be lagadi logulogudi yai edi nohi sa ginaulidi.

³³Heyaheyason boludi doha itete Yesu ya fapaisowadi be dodoga enehedi ya dede, be haba gonowana sa nuwatuhu lobahidi.