Mark 4:23-33

²³Kom kotoi wata ere tainam wai ke nonora kabitam.

²⁴Ki nuwanotanota kabitam kata awaika ku nonori, mekabage ke rubaruba wai kona rubana kesaninai ina rubaim ba yebo tepanai ina tere tawani.

²⁵Iyabosi wata wonaku si nonori ba si yauni wai tepanai ani rakasi, ba kotoi wata kega i yauni wai awaika yogina gwabinai e mamana wai ana yauna taveyei.”

²⁶Ba yebo Iesu i wonisi, “God ana basileiya wai kona nikasike, baobao biyina ana pesi i baoni.

²⁷Pom ba kao, i dudauwa kona i mamana, ba pesi mekabage i supara ba i rutiti i gae wai kega i kuiri.

²⁸Tano ikesina pesi e wosewosei e rautiti ba e uwauwa, kainaona dobona e tereterei, ba rurauna ba uwana e tereterei.

²⁹Ba maranai uwana e matumatura wai yagiyagina wata sebarena wheat e totoi, kairavina boyauna marana i botu.”

³⁰Iesu yebo i wonisi, “Meo bimaiba tana yauni ba God ana basileiya tani sisiyei ba tani beyebeyena?

³¹Nanakasike bage mustard pesina rutainina, kona wai yogiyoginai kei, ba kuna yauni tano kamonai kuna baoni.

³²Ba ina rutiti ina gae wai pesi ereonowasi bao kamonai ina waku tawanisi, ba ragaragana kaikaposi ina taura wai manu sina botu wakunai sina toga ba kasi nigu sina bowa.”

³³Ba bimaiba pesarisi wai nikona rutainina, Iesu wona kurisi i sisiyei kata pipiya God ana basileiya basuna sita kuira kabitamni.