Marku 4:23-33

²³Ntthu akhalanaka manyaru oowiiwelela, eeweke!

²⁴Ni ahopwahera: Mmiriyaneke ratta itthu ineewenyu. Nnowophimiya ni itthuttu inhalenyu uphimela, ni thotho nnowowincereriya.

²⁵Vano ntthu rina, nowowuncereriya, ni ntthu hirina, nowowaakhiya, mpaka citthu cirinawe.

²⁶Ni anawiira: Omwene wa Nluku uri toko ntthu avonyenre ipyo awe vathi.

²⁷Arupe, unwe, uhiyu ni uthana, ipyo inamela ni inawunuwa, ule woohicuwela cani.

²⁸Itthaya inavaha veekhaya, woopacera ntathi, wahoolo ncasi, ni umwiisoni ncasi nocara meele.

²⁹Ni yowiima yattokotthaka, naahepha nlattu wahophiya ukati woohephiya.

³⁰Vano aheera: Ninhala ulikanihera ni isiyani omwene wa Nluku? Atthuna ninhala utaphulela ni nlikaniheroni?

³¹Uri toko inuku yo nrale, ineera inaliye vathi, iri yootepa uyeva mweenuku cothene;

³²nanso, yaaliyakaru, inawunuwa, inathatuwa mwiri muulupale woopwaha miri co mmattani ni inamwarya miritta caya mpaka asanuni o wirimu woorya uteka ipuuru muntthucini mwaya.

³³Ni malikanihero menci toko ala Yesu anaweetthuciha nuulumo, toko woonawe wiira anawiiweha.