SAN MARCOS 4:23-33

²³Tāca róhó jéē jíni sōho, na chúsóhó ró, áchí yá.

²⁴Te suni ni cahān yā jiín i: Cuni sōho vāha ró. Chi cūhva jeē chusóhó ró jnúhun Yaā Dios, suni cūhva un cuáha ya nuū rō, te víhyá gā cuāha ya nuū maá ró jeē chusóhó váha ró.

²⁵Chi ñayuu je jécūhun ni, stéén gā yā nuū i. Te ñayuu tu cándíje, máá jecu jeē jiní i ún, sa suhva naa. Achí yá.

²⁶Te ni cahān gā yā: Súcuan cúu jeē ndácu Yaā Dios jniñu nuū ñáyuu: Cúu nájnūhun trigo jeē ní jete ɨɨn tēe.

²⁷Yūcuán na te quíxí de te ndónda de, te súcuan jíca quɨvɨ̄ cuahān. Te trigo un cáne te jéhnu. Te máá de tu jíní de ndese cúu jeē jéhnu.

²⁸Chi máá ñuhun sáha jeē jéhnu trigo, xīhna gā yucū, sáá te cáne yoco, yūcuán na te íje máá núnī.

²⁹Te núu ni cuaan trigo un, te quéjéé ñáyuu cájehnde i, chi je ni jinū quɨvɨ̄ tahndé. Achí yá.

³⁰Te suni ni cahān yā: Na cáhán rī ɨɨn jnūhun yátá návāha cuni rō ndese ndúcuehē ñayuu jeē ndácu Yaā Dios jniñu nuū.

³¹Ndúcuehē i nájnūhun jéhnu ɨɨn ndɨquɨn mostaza jeē jéquin i nuū ñúhun. Te yūcuan cúu ɨɨn ndɨquɨn lúlí gá vēsú tācá ndɨquɨn jeē iyó.

³²Te ná ni jequin i, te cáne te jéhnu ga vēsú tāca gá yucū, te cúnáhnu ndaha. Te tācá saa chi sáha tɨ tacā tɨ̄ nuū cuándahū xinī ún. Achí yá.

³³Te cuehē jnūhun yátá súcuan ni cahān yā jiín ñáyuu, núu nasaa cánda i jecūhun ni i.