Mak 4:23-33

²³Ari nomani pamia ha i pinamua.”

²⁴Ena Yisas yalhobi yu ditongwi, “Ha ni yalhobi pinga iwe, a i sire i wa molo. Hau homena ya talhan pangwo ebir si tenga meri iwe, God mong pring ni tere, hon ni te hobo kunangwo inanga pamia.

²⁵Te yal ta talhan a i si ware monangure, God hon te hobo kunangwo pamua. Te yal ta talhan tau a i si wakinangure, homa anangwo tal iwe, God nin tol di inamua,” dungwi.

²⁶Ena Yisas ha hon ainere yu ditongwi, “God ari kene ongwo iwe, maing yu pamia.

²⁷Yal ta homena miling sigirere, girungwo tangwo mol pai onangure, pi sire bonamia.

²⁸Bonamba, yal i maing ta pirkinamia. Ganba iwe, nin aki dinangure, pi sire, aulu sire, kung sire, miling honamia.

²⁹Te kul enangwo habang u tibi nangure, di sire penamua,” dungwi.

³⁰Ena Yisas hon ainere yu ditongwi, “God ari kene ongwo iwe, di tibi olalga talwa dirale? Na tal ha di kul si ere di terale?

³¹Iwe, er ta haang Mastet dungwo bani di bole diralua.

³²Homena tau miling dungwo tali ta dikima. Mastet miling wainta weniga dimia. Dimba, yal ta miling yanangwo pi sire bonamia. Bolere, er tau para i manbi olamia. Olere, yolang tau bir dinangwo hahoba ure, oong ere bani mol pai onamua,” dungwi.

³³Ena Yisas ha nir si tongwo iwe, ha bangi biire muru ditongwi. Ha miki weni nir si tenamba, i bangi olama dire, obil obilga nir si tongwi.