MÀRK 4:23-33

²³Déglul bu baax, yaw mi am ay nopp.»

²⁴Mu ne leen: «Seetleen bu baax li ngeen di dégg. Dees na leen nattal ak natt, bi ngeen di nattale, te dollil leen.

²⁵Ku am, dees na la dollil; ku amul, li nga am as néew, dees na ko nangu.»

²⁶Yeesu teg ci ne: «Nguuru Yàlla dafa mel ni nit ku ji tool.

²⁷Muy nelaw walla muy xool, guddi mbaa bëccëg, jiwu wi sax, di màgg, te xamul naka la ko defe.

²⁸Suuf day meññ moom ci boppam, mu sax, focci, def i gub.

²⁹Bu gub yi ñoree nag, mu dagg ko, ndaxte ngóob jot na.»

³⁰Yeesu ne leen ati: «Lu nu mana méngaleel nguuru Yàlla? Walla ban léeb lanu ko mana misaale?

³¹Dafa mel ni doomu fuddën, bi gëna tuuti ci jiwu yépp;

³²waaye boo ko jiyee, day jóg, màgg, ba sut gàncaxi tóokër yépp; mu sax ay bànqaas yu réy, ba picci asamaan tàgg ci keram.»

³³Noonu Yeesu dégtal leen yeneen léeb yu bare yu mel ni yii, di leen xamal kàddu gi, aju ci lu ñu àttan.