Marakos 4:23-33

²³Kaharere tsiwaby tsihikiknaha zeka wabyziutaha! — niy.

²⁴— O wabyziutahaktsa kytsa! Hawa ustsa kytsa ahasopyk ana kino Deus ahabo isopyk. Ikiahatsa ustsa kytsa mysisapywyky zeka Deus pahasapywyky. Ikiahatsa ustsa bo tsimysisapybyrikinaha zeka ahasopyk, iwaze Deus kino niwatihi ahabo atsatu isopyk Deus ahahumo iakyri mozik.

²⁵Atakta pinymyry tsihikik pihyrinymyrytohi. Atakta kaharere bo batu wabytokto tsikaeni zuba pinymyry myspiriktsokdaka, Deus mymyspiriktsokda.

²⁶Sesus nipamykysokozo: — Deus tyryktsa abazubatsa mozikze maku wata. Atakta tatsuhuk bo siriktsa nisiparikik.

²⁷Unata zurubakaze siriktsa mozipobanaha. Pibyituhukutu inapopoze siriktsa taypykbakanaha. Hawa siriktsa taypyknaha maku batu ihyrinymyry.

²⁸Ta zuba taypyknaha siriktsa mozipokonaha. Tapara ipa mozipo, iwaze ikoka motaypyk iwaze riktsa ikoka eze mynahareknaha. Sizubarẽtsa niubaranaha.

²⁹Kyze moakuknahaze niunaha maku penari ty mysizyzyknaha, nikymynahaze atsoko mysizyzyk nahỹ — niy. Iwa Sesus siriktsa soho humo nisihyrinymyry.

³⁰Sesus nipamykysokozo. Deus tyryktsa abazubatsa humo nisihyrinymyryky: — Hawa kytsa Deus tyryktsa sa. Hawa Deus tyryktsa mypehakatsa zahawatawyky.

³¹Rik tsibik taypykze watsa. Rik mostarada wata niy. Wytyk eze ziparikikze mostarada pyripykani riktsa.

³²Kyze rik taypykze hwi puẽtsikbyita mozik, tisarapazubarẽta mozik. Iwaze piyktsa ibete tahasukuknaha isarapatsa watu mykaranaha — niy. Iwa nipamykysoko Deus tyryktsa sizubarẽtsa mozik. Taparaka batu sizuba aibani abazubatsa moziknaha. Hawa mostarada niubara iwatsa Deus tyryktsa mysiubaraka.

³³Iwaze Sesus sisoho sizubarẽtsa kytsa bo nipamykysoko. Iwa nisihyrinymyryky. Sibo nipamykysoko, zinymyrykynahaze iwaze kytsa nisihyrinymyrytohi. Isoho humo zuba nisihyrinymyryky.