Mareko 4:23-33

²³Teḡaḡeta vazeḡaꞌe igiꞌuma.'

²⁴Ebu ziro. 'Igiꞌeteꞌe ḡoeꞌa zamare radoꞌi! Badiꞌa ḡoereꞌe ꞌahiguḡa. Ḡa nouge nouge igiꞌeteꞌe, eꞌe idane, Badiꞌaꞌa ḡaniꞌuma, ebu ḡoere ꞌahoga ꞌahoga zuni ḡaniꞌuma.

²⁵Igiꞌeteꞌe vazeḡaniꞌe, zamaḡa ꞌaꞌadaꞌuma. Mene igiꞌeteꞌe vazeḡaniꞌe, zamaḡa tahiḡa ꞌaꞌaduꞌeteꞌe zuni, Badiꞌaꞌa mae vaḡiniꞌuma.'

²⁶Iesuꞌa bare ziro. 'Badiꞌaꞌa ibito ziniꞌuma ibiḡaniꞌe ꞌahiguḡa. Vaze ꞌahoganiꞌa mebao ezone feune ḡorauꞌohe.

²⁷Ohere bazeꞌohe. Madai ragaveꞌohe. Ebu ezoneꞌa ḡuhureꞌohe, ebu farauꞌohe. Rehamo ḡoranoga vazeḡaniꞌe aḡuꞌa nouge nouge ḡuhuradu, farauꞌohe.

²⁸Raha aneꞌa bare ḡuhunadu, huga haḡaeꞌohe: Ibite ḡuhureꞌohe, ebu diꞌiruꞌohe. Ebu ḡonagano diꞌiruꞌeteꞌe zizugano huga haḡaeꞌohe.

²⁹Huganiꞌa hudauꞌetene, kari hina variꞌeꞌohe, mazaḡa hiriveꞌeteꞌe madaḡaniꞌa feuraꞌahi.'

³⁰Ebu Iesuꞌa bare reiro. 'Badiꞌaꞌa ibitoziniꞌetaꞌaꞌe nagini hina idaniꞌuma, ga nagi hari idaḡa hina idaniꞌuma?

³¹Aꞌe ire niḡa fufu, eꞌe ezoga heuḡa. Rahao ḡorauꞌeteꞌe zamaḡano, maḡaꞌe komeḡa fase, haba niduꞌa zamaḡano.

³²Rehano ḡoraune, ḡuhuradu faraꞌuma, ebu bororaꞌuma. Ire fouḡa ꞌahoga ꞌahoga vitine faraꞌuma. Ebu ezaga boro boroꞌa faraꞌuma. Ebu eꞌe zauhaḡano niniꞌa onaadu, neze haḡaiꞌuma.'

³³Iesu ani hari idaidaḡa, ꞌahiguḡa ḡehaḡa hina vaze mazao haramiro. Zeḡe edeḡa idane haramiro.