ᤔᤷᤁᤢᤛ 4:23-33

²³ᤜᤧᤰᤁᤩᤠᤱ ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤂᤧᤶᤔᤠ ᤏᤧᤰᤂᤥ᤹ ᤁᤧᤃᤵᤐᤠᤜᤠ᤹ᤖᤧ ᤁᤴ ᤐᤠ᤺ᤴᤏᤡᤴ ᤏᤢ᤺ᤖᤡᤰᤁᤠᤱ ᤂᤧᤵᤛᤧᤶᤔᤧ᤹ᤀᤥ॥”

²⁴ᤂᤢᤏᤧ᤹ ᤕᤠᤶᤔᤥ ᤔᤧᤳᤋᤢᤛᤡ. “ᤛᤡᤱᤛᤡᤱᤅᤠᤱ ᤂᤧᤵᤛᤧᤶᤔᤧ᤹ᤀᤥ᥄ ᤀᤠᤰᤋᤱᤒᤠ ᤁᤢᤛᤡ᤺ᤰᤔᤠᤸᤗᤧ ᤁᤧᤛᤡ᤺ᤰᤋᤢᤶᤛᤡᤶ. ᤀᤠᤶᤓᤠ ᤂᤧᤴ ᤁᤢᤛᤡ᤺ᤰᤔᤠᤸᤗᤧ ᤂᤡᤏᤡ᤹ᤀᤠᤱ ᤁᤧᤶᤛᤡ᤺ᤰᤋᤡ᤹. ᤂᤧᤴᤏᤢ᤺ᤸᤗᤧ ᤕᤖᤡᤰᤁᤠᤱ ᤂᤡᤏᤡ᤹ ᤁᤧᤶᤛᤡ᤺ᤰᤋᤡ ᤁᤧᤶᤒᤡᤖᤡ᤹ᤖᤥ॥

²⁵ᤕᤖᤡᤰ ᤁᤧᤃᤵᤐᤠᤸᤗᤧ ᤀᤠᤸᤗᤛᤠᤱ ᤕᤖᤡᤰ ᤂᤥ᤺ᤛᤢ᤹. ᤁᤖ ᤜᤠ᤺ᤳᤗᤧ ᤔᤧᤃᤳᤋᤢᤴ. ᤂᤧᤸᤗᤧ ᤁᤳᤋᤢᤒᤠᤴᤏᤠᤱ ᤔᤧᤏᤠᤵᤋᤢ᤹ᤖᤥ॥”

²⁶ᤕᤧᤛᤢᤖᤧ ᤕᤠᤶᤔᤥ ᤐᤠ᤺ᤳᤋᤢ. “ᤏᤡᤱᤘᤠ᤹ᤑᤢᤜᤠᤱᤈᤢᤶᤔᤡᤴ ᤀᤰᤋᤱᤒᤠ ᤆᤥ᤺ᤰ–ᤔᤏᤠᤎᤡᤰᤗᤧ ᤕᤠ᤹ᤖᤡ᤺ᤶᤒᤠᤴ ᤀᤡᤰᤋᤠᤵᤐᤥ ᤗᤧᤵᤋᤢ᤹.

²⁷ᤜᤧᤰᤁᤩᤠᤱ ᤕᤧᤶ ᤗᤧᤰᤗ ᤐᤣ᤺ᤰᤁᤡᤸᤗᤧ. ᤂᤢᤏᤧ᤹ ᤂᤧᤴ ᤕᤠ᤹ᤖᤡ᤺ᤶᤒᤠᤴ ᤀᤠᤰᤂᤣᤗ᤹ᤖᤡᤰ ᤗᤡᤱ ᤑᤠ᤹ᤀᤠᤱ ᤁᤢᤛᤡᤱ ᤔᤧᤏᤡ᤺ᤳᤋᤢᤴᤇᤠᤱ ᤂᤧᤴ ᤕᤠ᤹ᤖᤡ᤺ᤶᤒᤠᤴ ᤗᤡᤱᤗᤥ॥

²⁸ᤀᤠᤒᤠᤅᤣ ᤂᤠᤶᤒᤣ᤺ᤰᤔᤥ ᤐᤥᤃᤢᤃᤧᤴ ᤁᤢᤈᤠ᤺ᤴ ᤗᤡᤱ. ᤂᤠᤶᤒᤣ᤺ᤰᤔᤠᤸᤗᤧᤀᤣ ᤁᤢᤈᤠ᤹ ᤌᤥ᤺ᤰᤗ ᤕᤠ᤺ᤴᤍᤢ᤹. ᤋᤃᤡ ᤁᤢᤏ᤺ᤰ ᤌᤠᤱ ᤜᤧᤰᤁᤩᤠᤱ ᤐᤥᤀᤠᤱ ᤁᤢᤈᤠ᤹ ᤌᤥ᤺ᤰ॥

²⁹ᤐᤥᤃᤢᤃᤧᤴ ᤁᤢᤈᤠ᤺ᤴ ᤋᤢᤶᤔᤠᤱ ᤂᤧᤴ ᤔᤏᤠ᤺ᤴ ᤁᤠᤳᤆᤩᤠ᤺ᤴ ᤕᤠᤱᤛᤡᤱᤅᤠᤱ ᤆᤠ ᤛᤢᤶᤛᤧ ᤀᤡᤰᤋᤠᤵᤐᤥ ᤗᤠ᤺ᤳ. ᤌᤣᤀᤠᤱᤓᤧᤸᤗᤧ ᤆᤠᤛᤢᤶᤔᤠ ᤕᤧᤶᤔᤡᤴ ᤋᤩᤧᤖᤥ॥”

³⁰ᤕᤧᤛᤢᤖᤧ ᤕᤠᤶᤔᤥ ᤐᤠ᤺ᤳᤋᤢ. “ᤏᤡᤱᤘᤠ᤹ᤑᤢᤜᤠᤱᤈᤢᤶᤔᤡᤴ ᤌᤣ᤺ᤴᤏᤢ ᤋᤱᤔᤠᤒᤣ᥅ ᤀᤠᤰᤂᤣᤗ᤹ᤖᤡᤰ ᤁᤢᤒᤡ ᤐᤡᤔᤠᤀᤠᤱ ᤐᤥᤎᤰ ᤆᤥ᤺ᤰᤔᤠᤒᤣ᥅

³¹ᤁᤱᤃ ᤂᤠᤶᤔᤥ ᤗᤧᤵᤔᤏᤠᤒᤠ ᤕ᤺ᤱᤃᤣ᤹ ᤕᤠ᤹ᤖᤡ᤺ᤶᤒᤠᤴ ᤁᤢᤀᤡᤛᤡ᤺ᤰ ᤆᤥ᤺ᤰᤗᤥ॥ ᤀᤡᤰᤛᤠ ᤂᤠᤶᤒᤣ᤺ᤰᤁᤥᤒᤠ ᤕᤠ᤹ᤖᤡ᤺ᤶᤒᤠᤜᤠ᤹ᤀᤥ ᤂᤧᤴ ᤁᤧᤖᤧᤰᤏᤢ᤺ᤸᤗᤧ ᤆᤢᤰᤛᤠᤱ

³²ᤀᤡᤰᤋᤠᤵᤐᤥ ᤘᤣ᤹ ᤏᤢᤎᤡ-ᤛᤠᤰᤆᤡ᤹ᤏᤢ᤺ᤸᤗᤧ ᤕᤶᤒᤠ ᤐᤥ᤺ᤱᤅᤠᤱ ᤁᤢᤒᤥᤖᤠ᤺ᤰᤜᤠ᤹ᤀᤥ ᤐᤢᤜᤠ᤹ᤖᤧᤀᤠᤱ ᤜᤠᤵ ᤔᤧᤈᤥᤃᤢᤖᤥ॥”

³³ᤕᤧᤛᤢᤖᤧ ᤀᤰᤋᤱᤒᤠ ᤂᤧᤍᤠ᤹ᤀᤥ ᤔᤏᤠᤜᤠ᤹ᤖᤧ ᤐᤠ᤺ᤴᤈᤠᤰ ᤁᤢᤛᤡᤱ ᤏᤡ᤺ᤵᤔᤠ ᤔᤧᤛᤢᤰᤋᤢᤖ ᤌᤠᤖᤡᤰ ᤜᤢ᤹ᤖᤢᤛᤡ॥