SAN MARCOS 4:23-33

²³Xi tjin ñojon, ngatasen ñojon.

²⁴ꞌBa Jesús kitsu nganire: —ꞌÑu nda tasen ñojon_ru mé xi tenuꞌyo. Ngatꞌa chu̱ba̱ xi sichjon nga kꞌuechubo kjaꞌe xuta, ꞌba=nde kui xi sichubako nganinu Naꞌenchana; ꞌba ngisa= tse kꞌuesunnu.

²⁵Ngatꞌa xi tjinre, ngisa= tse kuaꞌe ngisare; tunga xi tsajainre, kaꞌnda stukjaꞌare xi ichi tjinre.

²⁶’Nga ko ña batexuma Naꞌenchana —kitsu Jesús— nde ꞌba=nire joni xuta xi ꞌbentje xujma ngajin nangiu;

²⁷ngu nde ꞌba=nire tsa tikijñafe asa tijñakun, a ngajñu= asa nga nixtjin=, xujmo fesu ꞌba mankꞌa, nisi bi tjibe jótsaꞌen tjimankꞌa.

²⁸Ngatꞌa nangiu tsja tajngu chan; titjun xka chiꞌndere, ꞌba jaskan ntsꞌenre, ꞌba xi fetꞌani sꞌere tu xujmo;

²⁹ꞌba kionga je kichji ture, kio xutabiu ꞌbeñajan, ngatꞌa je= jaꞌe nixtjinre chan.

³⁰ꞌBa kitsu ngisare: —¿Mé xi mangusun ña batexuma Naꞌenchana, asa mé kjuakusun sikjia̱n an tuxi ku̱an singusunña?

³¹Kui jo=ni jngu xujma tseꞌe mostaza xi sꞌentjejin nangiu. Ninga ngisa ichi kun tuꞌbani ko ngayéje xujma xi tjin ngasunꞌndebi;

³²tunga, kionga je kisꞌentje, mankꞌa ꞌba ngisa ꞌñu je ma tuꞌbani ko ngayéje ya xi ꞌbentje xuta, ꞌba ne yaꞌe= ma tjiare kaꞌnda tjiunise xi setsuma ngankꞌaa ma tsinda ndaba ngiꞌndere nkꞌianre yabiu —kitsu Jesús.

³³ꞌBa ne nkjin kjuakusun joni kibi kitsichjen Jesús nga yakuyare xuta. Yakuyare jotsaꞌen ku̱an ngisa nda ku̱ankjinre.