Mareko 4:23-33

²³Ena tau esau beana eai i ataiei, abo i ataieididini.”

²⁴Ia i ribalau isi aridi eai, i ene, “Au ataiei komakomani; nonoi wa arinai au nonoiei abo hinage se nonoiei arimiu eai, eo omi tauataiena enamiu abo se helaiawa.

²⁵Ia ie abi, enana abo se mosei, ia hinage nige ie abi, enana begana ie abi wa abo se laeudoiei.”

²⁶Ia abo i ene, “Eaubada ena basileia doha tau esau tuma i hesuhesuru tano eai.

²⁷Maiona eai ie eno; asubena eai i toro, uaua i kapokiarima abo ie tubu, tuma ena iniini tau wa nige i nuatui edohana.

²⁸Tano iabom i abiheiniyama, i ini bagubaguna, abotai abo ie boga, e abotai abo sitona ie suna boga alona eai.

²⁹Sitona aiaina abo ie suna, ia abo ie tom, paana masuri ie lage.”

³⁰Ia abo i ene, “Eaubada ena basileia ta saha arinai ta heaheasoniei? Ginauri esana abo arinai ta heaheasoniei?

³¹Ia doha hinage sinapi tumana, esega se umai tano boeana eai, i gagiri ariri, tuma gamagaridi tano boeana eai iabom i gagiri ariri.

³²Se umai, abo ie tubu lailai, oeagi gamagaridi ia abo i tubutawatawaidi, lagana lailaidi se ini, malagaibu manudi abo se toalau loguloguna eai.”

³³Teina doha ena riba gamagaridi i heatadi parabole eai, isi edi sibasiba i heaigonogonoaiei.