SAN MARCOS 4:23-33

²³Jaha ra que ttinxin ra, ttinhi ra jian.

²⁴Cai ndac̈ho Jesús: ―Ttjiho ra cuidado tti tsinhi ra. Inchin medida que jaha ra dattechoaxin ra, Dios jamé sattechoha jaha ra cai. Co Dios rrochjá ra icha, jaha ra ẍo ttinxin ra.

²⁵Ixin chojni que chonda, Dios tsjenguijna na para rrochonda na icha, pero chojni que ẍonhi chonda, Dios santsjehe cainxin tti jehe na chonda na masqui tsjeha chonda na.

²⁶Ndac̈ho Jesús cai: ―Tti ttetonha Dios inchin noa que ttenga chojni ngataon jngui.

²⁷Chojni ttenga co sacjan dinttejoa, cottimeja dingattjen co jamé datto ttie co datto nchanho. Co noa c̈hintaon noa co c̈hinhi jino pero tti jnguihi noeha queẍén dangui jino mé.

²⁸Ixin nontte nchegangui jino mé. Saho c̈hinhi chán jino cottimeja ntté, cottimeja noa.

²⁹Co are ocha noa mé ngain ní co ndaxema ní jian, ovittja tiempo para tsanda na ní mé.

³⁰Cai ndac̈ho Jesús: ―¿Quehe cosa nchao sinttacaninxin tti ttetonha Dios?

³¹Mé inchin ná tsé icha nchín de cainxin tsehe ca co tsé mé dinhi mostaza.

³²Pero are dinga tsé mé, dangui qué tse icha que cainxin ca hasta conttoa nchao nchejogaha va ngagaha ntté ca mé.

³³Jañá vacjago Jesús joajné Dios conixin tsje ejemplo inchin cain ejemplo yá, hasta tti, chojni nchao coinxin jian.