Maleko 4:23-33

²³Kaiteya beyana unai ye lapui bena ye lapunamwanamwaei!”

²⁴Na kabo ye wane, “Saha kwa lapui ta bena kwa lapunamwanamwaedi. Ena kwa lapulapuinamwanamwa, kabo kwa nuwatulobainamwanamwa. Na kabo Yaubada yomi sibasiba ye helakidi.

²⁵Kaniyona ede kaiteya yogu lauhekata udiyedi ye lapulapuinamwanamwa, kabo yona sibasiba ye helaki. Na kaiteya nige ye lapulapuinamwanamwa, saha gagilina ye lapulobaiyako kabo ye nuwaluluhiyei.”

²⁶Na Yesu ye wane, “Yaubada yona basileiya meta doha teina: Tamowai hesau witi tumana ye hesulu yona koya unai.

²⁷Boniyai huyadi ye keno, na mala ye tom ye tolo, meta nige ye mode na tuma wa se bom se kini kabo se tubu. Tuma yodi kinikini meta tamowai wa nige ye nuwatulobai idohagi.

²⁸Na bwatano ye bom ye hekinidi: se kinibaguna, kabo se kinilakilaki yo se kaniyo.

²⁹Witi wa kaniyodi se suna, kabo tamowai wa ye bolidi, matawuwuna ede masuli wa ye lage.”

³⁰Yesu ye wane, “Yaubada yona basileiya kana kao kabo idohagi yoda hedehededena? O palabole saha unai kabo ta hekaigonogonowaei?

³¹Basileiya ne doha kaitabu tumana. Ye gagilikalili tuma maudoidi udiyedi.

³²Tumana ye bekudobi bwatano unai, kabo ye kinilakilaki doha kaiwa hekadiyo. Lagana lakilakidi se kini, na manuwa kabo se towa yo se kaiyawasi loguloguna ne unai.”

³³Yona lauhekata maudoidi udiyedi palabole unai ye hekatadi yodi nuwatulobai gonogonowana unai.