Maku 4:23-33

²³Otato awahtao xine menetupuhtory, tykase ynororo eya xine.

²⁴Morarame tõturuse ropa ynororo, —Jomiry etãko matose repe, jomipona ehtoko. Otato awahtao xine atamorepãko matose kure, tuhkehxo apoĩko matose.

²⁵Morararo otato awahtao xine, itamurumehxo otuarõtanohtorỹko Ritonõpo mana. Yrome otato pyra awahtao xine, ãmorepatopõpyrykõ poko wenikehnõko matose emero porehme.

²⁶Morarame ynara tykase ropa Jezu, —Ritonõpo tuisame exiry otyro puhturu arykane sã mana. Mame otyro puhturu arykãko sã mana tupito pona.

²⁷Mame tuenikaroro exĩko mana. Okynã pixo toehse ahtao ipuhturu ẽxihtãko mana, ahtãko roropa mana onenepyra ahtao.

²⁸Nono rokẽ ẽxihtanohpõko mana. Morarame ekutãko mana. Mame eperytãko mã rahkene.

²⁹Mame otyro toehkehse ahtao tupito esẽ atarypokety sã tuhme tahkãko mana, isapakamyryke.

³⁰—Moro sã matose Ritonõpo tupime. Oty sã ropa Ritonõpo tuisame exiry?

³¹Otyro sã mana. Moxitatu samo. Ipuhturu pisarara repe.

³²Yrome tarykase ahtao ahtãko zumo. Amorihtãko. Torõ to esaryme amoriry exĩko mana.

³³Mame tuhke turuse toto, “Ynara sã Ritonõpo tuisame exiry,” katoh poko turuse toto enetupuhtohme eya xine.