Luka 5:29-39

²⁹Pale godova o Levije ćerdas lešće ande piro ćher bari gozba. Leja pale sinija bešenas but carenikurja thaj vi aver manuša.

³⁰Askal e fariseja thaj lenđe sikavne e Mojsiješće zakonestar počnisardine te mrmljan pe leste thaj phendine lešće učenikonenđe: “Sostar han thaj pijen e carenikonenca thaj e bezehalenca?”

³¹A o Isus phendas lenđe akaja izreka: “'Či trubun e saste manuša e doktore nego e nasvale'.

³²Gajda vi me či avilem te akharav e pravednikonen, nego e bezehalen te bolden pes katar lenđe bezeha ko Del.”

³³Von askal phendine lešće: “Sostar e Jovanošće učenikurja često postin thaj molinpe, isto gajda vi e farisejenđe učenikurija, a ćire či postisaren nego han thaj pijen?”

³⁴A o Isus phendas lenđe: “Dali šaj traden e svaturja te postisaren kana si o džamutro lenca?

³⁵Nego avela o đes kana lena lendar e džamutre, thaj askal postina ande godola đesa.

³⁶O Isus phendas lenđe još jek usporedba: “Khonik či čhinel e kotor katar o nevo gad te suveles pe purano gad. Ako godova ćerel, o nevo gad čhindola, a e purane gadešće či ačhela o kotor katar o nevo gad.

³⁷Khonik či čhol e nevi mol ande purani morćhaći trasta, kaj e nevi mol pharavela e trasta, thaj e mol čhordola, a e morćhaći trasta propadnila.

³⁸Nego e nevi mol ande nevi morćhaći trasta trubul te čholpe.

³⁹Thaj khonik ko pijel e purani mol, čikamel e nevi, kaj phenel e purani mol si majlačhi.”