லூக​: 5:29-39

²⁹அநந்தரம்ʼ லேவி ர்நிஜக்³ருʼஹே தத³ர்த²ம்ʼ மஹாபோ⁴ஜ்யம்ʼ சகார, ததா³ தை​: ஸஹாநேகே கரஸஞ்சாயிநஸ்தத³ந்யலோகாஸ்²ச போ⁴க்துமுபவிவிஸு²​:|

³⁰தஸ்மாத் காரணாத் சண்டா³லாநாம்ʼ பாபிலோகாநாஞ்ச ஸங்கே³ யூயம்ʼ குதோ ப⁴ம்ʼக்³த்⁴வே பிவத² சேதி கதா²ம்ʼ கத²யித்வா பி²ரூஸி²நோ(அ)த்⁴யாபகாஸ்²ச தஸ்ய ஸி²ஷ்யை​: ஸஹ வாக்³யுத்³த⁴ம்ʼ கர்த்துமாரேபி⁴ரே|

³¹தஸ்மாத்³ யீஸு²ஸ்தாந் ப்ரத்யவோசத்³ அரோக³லோகாநாம்ʼ சிகித்ஸகேந ப்ரயோஜநம்ʼ நாஸ்தி கிந்து ஸரோகா³ணாமேவ|

³²அஹம்ʼ தா⁴ர்ம்மிகாந் ஆஹ்வாதும்ʼ நாக³தோஸ்மி கிந்து மந​: பராவர்த்தயிதும்ʼ பாபிந ஏவ|

³³ததஸ்தே ப்ரோசு​:, யோஹந​: பி²ரூஸி²நாஞ்ச ஸி²ஷ்யா வாரம்ʼவாரம் உபவஸந்தி ப்ரார்த²யந்தே ச கிந்து தவ ஸி²ஷ்யா​: குதோ பு⁴ஞ்ஜதே பிவந்தி ச?

³⁴ததா³ ஸ தாநாசக்²யௌ வரே ஸங்கே³ திஷ்ட²தி வரஸ்ய ஸகி²க³ணம்ʼ கிமுபவாஸயிதும்ʼ ஸ²க்நுத²?

³⁵கிந்து யதா³ தேஷாம்ʼ நிகடாத்³ வரோ நேஷ்யதே ததா³ தே ஸமுபவத்ஸ்யந்தி|

³⁶ஸோபரமபி த்³ருʼஷ்டாந்தம்ʼ கத²யாம்ப³பூ⁴வ புராதநவஸ்த்ரே கோபி நுதநவஸ்த்ரம்ʼ ந ஸீவ்யதி யதஸ்தேந ஸேவநேந ஜீர்ணவஸ்த்ரம்ʼ சி²த்³யதே, நூதநபுராதநவஸ்த்ரயோ ர்மேலஞ்ச ந ப⁴வதி|

³⁷புராதந்யாம்ʼ குத்வாம்ʼ கோபி நுதநம்ʼ த்³ராக்ஷாரஸம்ʼ ந நித³தா⁴தி, யதோ நவீநத்³ராக்ஷாரஸஸ்ய தேஜஸா புராதநீ குதூ ர்விதீ³ர்ய்யதே ததோ த்³ராக்ஷாரஸ​: பததி குதூஸ்²ச நஸ்²யதி|

³⁸ததோ ஹேதோ ர்நூதந்யாம்ʼ குத்வாம்ʼ நவீநத்³ராக்ஷாரஸ​: நிதா⁴தவ்யஸ்தேநோப⁴யஸ்ய ரக்ஷா ப⁴வதி|

³⁹அபரஞ்ச புராதநம்ʼ த்³ராக்ஷாரஸம்ʼ பீத்வா கோபி நூதநம்ʼ ந வாஞ்ச²தி, யத​: ஸ வக்தி நூதநாத் புராதநம் ப்ரஸ²ஸ்தம்|