LUKU 5:29-39

²⁹Ben à pↄ́ble bíta kɛ̀ a bɛ à Yesu sìsia, bɛ'ↄↄsirinↄ kↄ̃n gbɛ̃ pãndenↄ e pↄ́ bleeńyo pari.

³⁰Ben Farisinↄ kↄ̃n ń ludayãdannɛrinↄ yãkete kà a ìbanↄzi wà bè: Bↄ́yãnzi ée pↄ́ blee ée í mii kↄ̃n bɛ'ↄↄsirinↄ kↄ̃n durunkɛrinↄozi?

³¹Ben Yesu wèńla à bè: Gbɛ̃ kɛ̀ aafia vĩi bà kú likita yãoro, sé gyãree.

³²Mɛ́ɛ mↄ́ gbɛ̃ maaanↄ sísi aↄ̃ ń nↄ̀sɛ liɛro, sé durunkɛrinↄ.

³³Ben wà bènɛ: Yaaya ìbanↄ ègↄ̃ lɛ́ yii aↄ̃ègↄ̃ adua kɛɛ baabↄɛ. Lɛmɛ kↄ̃n Farisi ìbanↄ dↄ, mↄde n gbɛ̃nↄ ègↄ̃ pↄ́ blee aↄ̃ègↄ̃ í miimɛ.

³⁴Ben Yesu wèńla à bè: É fↄ̃ à be nↄsɛri gbɛ̃nↄ lɛ́ yi gurↄↄ kɛ̀ à kúńyoↄ́?

³⁵À gurↄↄ é mↄ́ kɛ̀ weé nↄsɛri pì bↄ ń tɛ́, gbasa aↄ̃é lɛ́ yi sa.

³⁶Yesu yã lɛ̀kↄ̃zińnɛ dↄ à bè: Gbɛ̃ke è uta dufu li wà dì a ziilaro. Tó wà kɛ̀ lɛ, uta dufu é yakamɛ, à zii é kↄ̃ sí kↄ̃n uta dufu nambata pìoro.

³⁷Wè geepiwɛ̃ dufu ká tùu zii guuro. Tó wà kɛ̀ lɛ, wɛ̃ dufu pì é tùu pũtãmɛ, eé kwɛ́ɛ, tùu é yaka.

³⁸Auo, wè geepiwɛ̃ dufu ká tùu dufu guumɛ.

³⁹Gbɛ̃ kɛ̀ kↄ̃ dↄ̃̀ kↄ̃n wɛ̃ zi minao è à dufu sáabu kpáro, è be à zii bé à nna.