LUCAS 5:29-39

²⁹Zhich guin wlaa men te lniroo ruxyuu men por Jesus. Kesentyent ndal men ne rgoob zeg impwest ndxinno Ne lo mezh no ndal ke noze mén.

³⁰Per wzelo yra men ne nak farisew yra men maxter ley ne nuu lad ke men, rnii men por xpén Ne, re men lo men: ―¿Penak ru rootee de yra de men ne rgoob zeg impwest no le yra de mendol?

³¹Wke Jesus, re Ne lo men: ―Men ne ngyëël, rkyiinden men doctor, sinke men ne rzhuun, men guin rkyiinen doctor.

³²Noo zëëdet noo zëdye noo menwen, sinke le noo zëdye mendol chen ysaan men xgyelmal men.

³³Lex wnabdiiz men lo Jesus, re men: ―¿Penak kesentyent rkwan xpén Xwa no le xpén men ne nak farisew no kesentyent rnab men lo Dëdyuzh, le xpén de syemper ru rootee men?

³⁴Wke Jesus, re Ne: ―Lo te dooy, ¿peguin zun de gan ydeedet de ne gu xemyooz nobye myentras ne benak zu nobye lo men?

³⁵Per sdxiin dxe ne ybetxee nobye lo men; cheguin si ykwan men gudet men.

³⁶No re ke Ne lo men: ―Rut rtxuugdet te lërkweb chen ykadaa men te lëryuux. Belne ylaa men zenga, sxiin men lërkweb no ngyidetzeg gyan lërkweb led lëryuux.

³⁷Ni rut rgaadet binkweb lengyedyuux, porke belne ylaa men zenga, stxëz binkweb gyedyuux; nigle xiin bin, nigle xiin gyed.

³⁸Por neguin binkweb leen ke gyedkweb taa we, chen zenga ni tebo xiindet.

³⁹No ni te mén ne roo bin ne che wakxche nuu, ynadet goo binkweb, porke nan men: “Wendee nlaan bin ne che wakxche nuu.”