Luka 5:29-39

²⁹Levi mataasi lailai ie abi ena numa eai Iesu ana: telona tataodi eo hari tatao, peledi lailai maedi se bawabigabigaesega.

³⁰Edi tauuriuri eo Parisea ena heaheatayao se gadigadiguguedi, si ene, “Aue saha maemiu telona tataodi eo tatao baabaaeadi au aiaiesega, eo au nomnomesega?”

³¹Iesu arinadi i heuio, i ribalau aridi eai, i ene, “Tauadiadidiri doketa nige se eogai: isi tauasiasiebo mo.

³²Nige ea laoma tatao laulaududurai ea eogaidi, tatao baabaaeadi mo, bena nuadi, se buidi.”

³³Se ribalau ia arinai, si ene, “Paana saha Ioane ena heaheatayao huia gamagari se aiaiudi, eo se lauuura, Parisea edi heaheatayao hinage doha, na oa em heaheatayao se aiai eo se nomnom?”

³⁴Iesu i ribalau aridi eai, i ene, “Tautawasora harihariu ena heriheriam abo se aiudi wa, tautawasora sora maedi se mia esega?

³⁵Huiadi abo se lagema tautawasora harihariu abo se laehesuara, abo se aiudi, nei huiadi eai ne.”

³⁶Arinai abo parabole esau i heribadi, i ene, “Nige tau esau lulu harihariuna tupona i abi i popoi lulu beabeana arinai; ata harihariuna wa esau i aipurisi, eo tupona wa, lulu harihariuna eai se abi, nige i patu komakomani lulu beabeana arinai.

³⁷Hinage nige tau esau waina harihariuna i leduauri ile beabeadi alodi eai; ata ile wa abo se pawa, waina abo i boriri, ile wa taba se baaea.

³⁸Waina harihariuna taba se ledu ile harihariudi alodi eai; abo se loloesegaidi.

³⁹Hinage nige tau esau waina beabeana i nom abo ma esega waina harihariuna i gadosisiei; paana i ene, ‘Beabeana mo i lolo.’”