Text copied!
CopyCompare
Holi Baibul - Isikiyel

Isikiyel 15

Help us?
Click on verse(s) to share them!
1Wal YAWEI det trubala God bin tok langa mi,
2“Isikiyel, wanim garra hepin langa det lilwan wadi brom det greiptri afta det fama kadimof? Im nomo laik detlot najalot tri.
3Det lilwan wadi brom det greiptri, yu kaan meigim enijing brom tharran.
4Det lilwan wadi brom det greiptri im oni gud blanga meigimbat faiya, en wen det lilwan wadi im barn langa faiya, en det midul pat im oni bin barn lilbit, yu reken yu gin meigim samting brom det wadi? Najing.
5Im nomo gudwan blanga meigim enijing brom det wadi bifo imbin barn, en wen det wadi im barn langa faiya im stil rabishwan.
6“Wal mi na YAWEI det boswan God meigim dijan pramis. Jis laik det lilwan wadi blanga det greiptri bin barn langa det faiya,
7ai garra gajim detlot pipul brom Jerusalem en ai garra tjakam olabat langa det faiya. Lagijat na ai garra panishim olabat dumaji olabat bin bidim det feswan faiya bat dis sekanwan faiya garra barnimap olabat holot. En wen ai dum lagijat Isikiyel, yu garra sabi mi na YAWEI det trubala God.
8Ai garra meigim dijan kantri jidan emtiwan wulijim deset kantri, dumaji brom longtaim na olabat bin gibit mi bekboun.” Lagijat na YAWEI det boswan God bin tok.