1Nare Pablɨ, cun Silvan ne Timoteo, cacuaan cartré par laat ni reldilaaztɨ Jesucrist láani guɨdx Tesalónica, laat ni nát xpɨny Xtadnɨ Dios ne Dad Jesucrist.
2Xtadnɨ Dios ne Dad Jesucrist gunldeeny quiat ne iguaadny laat guelnaldiulaaz.
3Llillite rdeednɨ gracy Dios pur laat de saniroldilaaznɨ Jesucrist, te pur ziy riáld idxannɨ pur ni dxi pur dxi amazru reldilaaztɨ Jesucrist, ne cad tubytɨ amazruza rcaaztɨ de saa bniettɨ.
4Ax quesentiand rzaclaaznɨ rniin pur laat nez lo iraru de xpɨny Dios. Rdxaipnɨdeb xa ná paciency ne guelreldilaaz xtentɨ, ax ruelaaztɨ irate ni runné bniety laat ne de guelzii ni cadeedtɨ.
5Ziy ríeny dec xnezquɨpacni ná guelgurtisy xte Dios te pur, pur guelzii ni cadeedtɨ, laany siáldny laat yiiut lo guelrnabee xtenny.
6Ne zec ni xnezpacni run Dios irate, ax ziyza steedny guelzii de ni cateed laat guelzii.
7Chiy laat ni cadeedtɨ guelzii anre, snɨɨdxny laat guelrzilaaz cun dunnɨ dxi ni idiacá Xtadnɨ Jesucrist llayabaa glay guelrcuabcháa xtenny ni ná zecpacza bal, cun de ánglɨ xtenny ni quesentiand nap guelrnabee.
8Chiy gúnny castigu de bniety ni quɨt rumbee Dios, de bniety ni quɨt rcuadiag diidx chaldilaaz de didxzaac xte Xtadnɨ Jesucrist.
9Siáldny laadeb castigu ni ná par chazy, zit suguaadeb par Dios ne par lo guelrnabee nasaa xtenny.
10Ziy gac dxi ni gueed Xtadnɨ Jesucrist par ito de xpɨnny laany, ne sdxalo iratedeb laany, laadeb ni reldilaazdebny. Ax né laatɨy pur ni agüeldilaaztɨ xtiidxny ni bdxuenén laat.
11Pur ningui quɨt rdeedti rnaabnɨ lo Dios pur laat dec gacnény laat ibánytɨ zec ni riáld, zec ni gurɨdxny laat ibánytɨ. Ne rnaabzacnɨ lony dec cun guelrnabee xtenny gacnény laat chalee gac cumplir irate de xgabzaac xtentɨ, ne irateru de ni runtɨ pur ni reldilaaztɨny.
12Ax ziy xquel izubyaat Xtadnɨ Jesucrist, chiy laany izubyaany laat pur guelrcaaz xtenny ne xte Xtadnɨ Dios.
