༢ ཐིཥལནཱིཀིནཿ 1

1

2

3

¹པཽལཿ སིལྭཱནསྟཱིམཐིཡཤྩེཏིནཱམཱནོ ཝཡམ྄ ཨསྨདཱིཡཏཱཏམ྄ ཨཱིཤྭརཾ པྲབྷུཾ ཡཱིཤུཁྲཱིཥྚཉྩཱཤྲིཏཱཾ ཐིཥལནཱིཀིནཱཾ སམིཏིཾ པྲཏི པཏྲཾ ལིཁཱམཿ།

²ཨསྨཱཀཾ ཏཱཏ ཨཱིཤྭརཿ པྲབྷུ ཪྻཱིཤུཁྲཱིཥྚཤྩ ཡུཥྨཱསྭནུགྲཧཾ ཤཱནྟིཉྩ ཀྲིཡཱསྟཱཾ།

³ཧེ བྷྲཱཏརཿ, ཡུཥྨཱཀཾ ཀྲྀཏེ སཪྻྭདཱ ཡཐཱཡོགྱམ྄ ཨཱིཤྭརསྱ དྷནྱཝཱདོ ྅སྨཱབྷིཿ ཀརྟྟཝྱཿ, ཡཏོ ཧེཏོ ཪྻུཥྨཱཀཾ ཝིཤྭཱས ཨུཏྟརོཏྟརཾ ཝརྡྡྷཏེ པརསྤརམ྄ ཨེཀཻཀསྱ པྲེམ ཙ བཧུཕལཾ བྷཝཏི།

⁴ཏསྨཱད྄ ཡུཥྨཱབྷི ཪྻཱཝནྟ ཨུཔདྲཝཀླེཤཱཿ སཧྱནྟེ ཏེཥུ ཡད྄ དྷེैཪྻྱཾ ཡཤྩ ཝིཤྭཱསཿ པྲཀཱཤྱཏེ ཏཏྐཱརཎཱད྄ ཝཡམ྄ ཨཱིཤྭརཱིཡསམིཏིཥུ ཡུཥྨཱབྷིཿ ཤླཱགྷཱམཧེ།

⁵ཏཙྩེཤྭརསྱ ནྱཱཡཝིཙཱརསྱ པྲམཱཎཾ བྷཝཏི ཡཏོ ཡཱུཡཾ ཡསྱ ཀྲྀཏེ དུཿཁཾ སཧདྷྭཾ ཏསྱེཤྭརཱིཡརཱཛྱསྱ ཡོགྱཱ བྷཝཐ།

⁶ཡཏཿ སྭཀཱིཡསྭརྒདཱུཏཱནཱཾ བལཻཿ སཧིཏསྱ པྲབྷོ ཪྻཱིཤོཿ སྭརྒཱད྄ ཨཱགམནཀཱལེ ཡུཥྨཱཀཾ ཀླེཤཀེབྷྱཿ ཀླེཤེན ཕལདཱནཾ སཱརྡྡྷམསྨཱབྷིཤྩ

⁷ཀླིཤྱམཱནེབྷྱོ ཡུཥྨབྷྱཾ ཤཱནྟིདཱནམ྄ ཨཱིཤྭརེཎ ནྱཱཡྻཾ བྷོཏྶྱཏེ;

⁸ཏདཱནཱིམ྄ ཨཱིཤྭརཱནབྷིཛྙེབྷྱོ ྅སྨཏྤྲབྷོ ཪྻཱིཤུཁྲཱིཥྚསྱ སུསཾཝཱདཱགྲཱཧཀེབྷྱཤྩ ལོཀེབྷྱོ ཛཱཛྭལྱམཱནེན ཝཧྣིནཱ སམུཙིཏཾ ཕལཾ ཡཱིཤུནཱ དཱསྱཏེ;

⁹ཏེ ཙ པྲབྷོ ཪྻདནཱཏ྄ པརཱཀྲམཡུཀྟཝིབྷཝཱཙྩ སདཱཏནཝིནཱཤརཱུཔཾ དཎྜཾ ལཔྶྱནྟེ,

¹⁰ཀིནྟུ ཏསྨིན྄ དིནེ སྭཀཱིཡཔཝིཏྲལོཀེཥུ ཝིརཱཛིཏུཾ ཡུཥྨཱན྄ ཨཔརཱཾཤྩ སཪྻྭཱན྄ ཝིཤྭཱསིལོཀཱན྄ ཝིསྨཱཔཡིཏུཉྩ ས ཨཱགམིཥྱཏི ཡཏོ ྅སྨཱཀཾ པྲམཱཎེ ཡུཥྨཱབྷི ཪྻིཤྭཱསོ྅ཀཱརི།

¹¹ཨཏོ྅སྨཱཀམ྄ ཨཱིཤྭརོ ཡུཥྨཱན྄ ཏསྱཱཧྭཱནསྱ ཡོགྱཱན྄ ཀརོཏུ སཽཛནྱསྱ ཤུབྷཕལཾ ཝིཤྭཱསསྱ གུཎཉྩ པརཱཀྲམེཎ སཱདྷཡཏྭིཏི པྲཱརྠནཱསྨཱབྷིཿ སཪྻྭདཱ ཡུཥྨནྣིམིཏྟཾ ཀྲིཡཏེ,

¹²ཡཏསྟཐཱ སཏྱསྨཱཀམ྄ ཨཱིཤྭརསྱ པྲབྷོ ཪྻཱིཤུཁྲཱིཥྚསྱ ཙཱནུགྲཧཱད྄ ཨསྨཏྤྲབྷོ ཪྻཱིཤུཁྲཱིཥྚསྱ ནཱམྣོ གཽརཝཾ ཡུཥྨཱསུ ཡུཥྨཱཀམཔི གཽརཝཾ ཏསྨིན྄ པྲཀཱཤིཥྱཏེ།