Text copied!
CopyCompare
परमप्रभु यावे आ लोव़ - इजीकीएल

इजीकीएल 7

Help us?
Click on verse(s) to share them!
1मिनु परमप्रभु यावेमी आं कली लोव़ पाप्‍तु।
2मार लोव़ पाप्‍तु देंशा हना “ए मुर, परमप्रभु यावेमी इस्राएल रागी कली मार देंब देंशा हना ‘रागी नुप्‍तीके, एर ओंथ ङा सुर नेल्‍लेम जाक्‍ब।
3मुल गे नुप्‍नेवे। गो इ कली तशा गाइक्‍ताक्‍ङ। गो इ पशो खोदेंशो पा इ कली निसाफ पाइक्‍नुङ। गो इ कली इ मूर्ति पूजा पशो आन पर्बम सजाइ गेनुङ।
4गो इ कली शिशी मपथु, सुइ आन कली ब्रोंइचा मगेनुङ। गो इ कली इ गेय आ पर्बम नु इ मूर्ति पूजा आ पर्बम सजाइ गेनुङ। मिनु गे, गो परमप्रभु यावे नङ, दे तुइक्‍नेवे’ ” देंत। इजीकीएल ५:११; इजीकीएल ८:१८; इजीकीएल ९:१०
5परमप्रभु, परमप्रभु यावेमी “हिंचा ङा श्‍येत, आ तार हिंचा ङा श्‍येत दुम्‍ब। कोव़ङो, मेको जाक्‍ब।
6नुप्‍तीक नाक्‍ती जाक्‍ब। मेको इन पर्बम बोक्‍शा जाक्‍‍ब।
7गे रागीम बाक्‍ब इन खतम दुम्‍तीके जाक्‍ब। नुप्‍तीक नाक्‍ती जाक्‍शा, इन नेक्‍था बाक्‍ब। डांडापुकीम कुम्‍सो पतीके ममाइ, ग्रांग्‍ये माग्‍ये दुम्‍शो बाक्‍ब।
8मुल गो रीब पा गाइक्‍नुङ। मिनु आं चुरशो इ तार मोइक्‍नुङ। गो इ पशो खोदेंशो पा इ कली निसाफ पाइनुङ। मिनु इ मूर्ति पूजा पशो नेल्‍ल आन पर्बम सजाइ गेनन।
9गो इ कली शिशी मपथु, सुइ आन कली ब्रोंइचा मगेनुङ। गो इ कली इ पशो खोदेंशो पा सजाइ गेनुङ। इ मूर्ति पूजा पशो इ दातेम बाक्‍ब। मिनु गो इ कली तुप्‍ब, परमप्रभु यावे नङ, दे तुइक्‍नेवे।
10मेको नाक्‍ती मुल बाक्‍ब। इ खतम दुम्‍तीके जाक्‍ना जाक्‍न बाक्‍ब। कोक्‍के आ कोच्‍वा दाप्‍त। ठेयब लेत्‍तीक फू खोदेंशो पा बोइक्‍त। यसैया २:१२
11हुश ख्राक्‍श पोक्‍तीके परमप्रभु यावे आ अरेशो मटीब आन कोक्‍के दुम्‍त। मेको आन दाते ङा मारेइ मलीब। मेको आन बाक्‍शो मारेइ मारेइ, आन शोंप नु आन ठेयब दुम्‍तीके मारेइ मलीब।
12मेको खतम दुम्‍तीके जाक्‍चा चिक्‍शो बाक्‍ब। ग्‍याप्‍बपुकी मग्‍येरसमल। लेयबपुकी रोंका मपामेक्‍ल। मारदे हना मेको नेल्‍लेम परमप्रभु आ गाइश्‍शो ताइनीम।
13मारदे हना मेको ब्रोंइम सम्‍म लेयचा मताइब। मारदे हना मेको तशो नेल्‍ल आन कली दुम्‍‍ब। मिनु आन मरिम्‍शो पतीके नेल्‍ल बेक्‍नीम।
14मेकोपुकीम ग्रोव़ ताप्‍शा, मारेइ मारेइ ठीक पाम्‍तेक्‍म हना यो, का यो लडाइ पथ मलाइनीम। मारदे हना आं गाइश्‍शो मेको नेल्‍ल आन तार जुक्‍शो बाक्‍ब।
15लाङगाम तरवारम साइक्‍ब। आगाम मुर बेक्‍तीक रोइ नु अन्‍कालम बेक्‍नीम। मिनु रूम बाक्‍ब आन कली तरवारम साइक्‍ब। सहरम बाक्‍ब अन्‍काल नु मुर बेक्‍तीक रोइम साइक्‍चा पुंइसीनीम।
16मिनु ब्रोंइशा प्रोक्‍शो नेल्‍ल बेंसी ङा ढुकुर खोदेंशो पा पहाडम बाक्‍नीम। मेको आन मरिम्‍शो पशो आ पर्बम रोंका पा बाक्‍नीम।
17मुर आन गुइ नेल्‍ल सक्ति मपाइश्‍शो दुम्‍नीम। आन पोक्‍च बोल मपाइश्‍शो दुम्‍नीम। यसैया १३:७
18मेकोपुकीम अरन्‍डी फेक्‍चा माल्‍नीम। शुश हिंतीकेमी मेको आन कली सुम्‍ब। मेको नेल्‍ल आन कुल मुनेम सुम्‍सीचा माल्‍नीम। मेको नेल्‍ल आन पिया प्रेक्‍सीचा माल्‍नीम। येरमीया ४८:३७

19मेकोपुकीम आन चांदी लांम ताइक्‍चा माल्‍नीम। मिनु आन सुन ग्रांग्रा दिशो थोव़क खोदेंशो दुम्‍चा माल्‍ब। मेको आन सुन चांदीम परमप्रभु यावे आ गाइश्‍शो नाक्‍ती मेको आन कली प्रोंइने मचाप्‍ब। मेको आन सुन चांदीम आन शोव़लु साइक्‍ने मचाप्‍ब। मेकोमी आन कोव़ज प्रिंने मचाप्‍नीम। मारदे हना मेको आन कली मरिम्‍शो पपाइक्‍ब मेकोन बाक्‍त। हितोपदेस ११:४; सेफन्‍याह १:१८
20मारदे हना आन दारशो गहनामी ठेयब लेश्‍शा, आन ग्रांग्रा दिशो मूर्ति सेल्‍तेक्‍म। मोपतीके गो मेको आन सुन चांदी मेको आन कली ग्रांग्रा दिशो सेल्‍नुङ।
21गो मेको नेल्‍ल अर्को रागी ङा मुर आन कली रोइक्‍पाइक्‍नुङमी। गो रागीम बाक्‍ब परमप्रभु यावे आ अरेशो मटीब आन कली रोइक्‍पाइक्‍नुङ। मिनु मेकोपुकीम मेको ग्रांग्रा दिशो सेल्‍नीम।
22गो आं कुल मेको आन रे ख्रुइक्‍‍नुङ। मिनु मेकोपुकीम आं दाक्‍शो बाक्‍तीके ग्रांग्रा दिशो सेल्‍नीम। हुश ख्राक्‍श पोक्‍बपुकी मेकेर ओव़शा, ग्रांग्रा दिशो सेल्‍नीम।
23साङलो का सेलीन। मारदे हना रागी हुश ख्राक्‍शेम ब्रीशो बाक्‍ब। मिनु सहर हुश ख्राक्‍श पोक्‍बपुकीम ब्रीशो बाक्‍ब।
24गो रागी रागी ङा नेल्‍ल आन क्‍येङा मरिम्‍शो पाइब मुर आन कली मेको आन खिं रोइक्‍पाइक्‍नुङ। गो बोल्‍यो मुर आन ठेयब लेत्‍तीक नुप्‍पाइक्‍नुङ। मिनु मेको आन चोव़खो बाक्‍तीके ग्रांग्रा दिशो दुम्‍नीम।
25शुश श्‍येत जाक्‍मेनु, मेकोपुकीम थुं नाइश्‍शा बाक्‍चा माल्‍नीम। तन्‍न मथित्‍नीम।
26हिंचा ङा श्‍येत क्‍येङा हिंचा ङा श्‍येत जाक्‍ब। हिंचा ङा लोव़ क्‍येङा हिंचा ङा लोव़ नेंसीब। मेकोपुकीम परमप्रभु यावे आ लोव़ पाइबपुकी रे ‘मुल मार दुम्‍बा’ दे तुइक्‍चा माल्‍नीम। चढ़ेबपुकीमी मुर आन कली मशेंनीम। खाल्‍पा आन अर्ती गेतीक जाम्‍शा लने थुम्‍शो बाक्‍ब।
27पिपम रोंका पाइब। पिप आ तौ आन थुं लुक्‍च लाइब। रागी ङा मुर आन गुइ ख्रिंख्रि पाइनीम। मेको आन पशो खोदेंशो पन, गो मेकोपुकी नु पाइनुङ। गो मेको आन पशो कोव़शा, मेको आन कली निसाफ पाइनुङ। गो मेको आन आंम कानुन आ पर्बम निसाफ पाइनुङ। मिनु मेकोपुकीमी गो परमप्रभु यावे नङ, दे तुइक्‍नीम” देंत।