Yontu 143:5-9

⁵Mɑ tɔɔsəɣɩ lɔŋtɑɑ kʋyɛɛŋ tɔɔ kɛ́, nɑ mɑ́ mɑɣɑsəɣɩ nyɑ́ təmɑ tənɑ tɔm, nɑ mɑ́ hʋʋkɩ nyɑ́ niŋ təmɑ tɔɔ.

⁶Mɑ kpɑɑsəɣɩ niŋ kɛ nyɑ́ ɩsɛntɑɑ kɛ́. Mɑ wɛ nyɑ́ ɩsɛntɑɑ kɛ́ ɩsɩɩ tɛtʋ nti tə kɑwɑ tɔ.

⁷Hɑɩ, Tɑcɑɑ, cɔ-m lɔŋ. Mɑ tɑlɑ mɑ tənɑɣɑ kɛ́. Tɑɑ hɑ-m siɣile, tɔfɔ, mɑ wɛɛkɩ ɩsɩɩ ɑtɛtəlɛ tɑɑ sʋʋlɑɑ.

⁸Heeli-m sɩ n wɛ teu kɛ hɑtoo tɑnɑŋ tɛɛ. Mpi tɔ, mɑ pɛtɑ-ŋ mɑ təɣɩ. Yele nɑ mɑ́ nyɩ mpɑɑʋ ŋku kʋ tɑɑ mɑɑ tɔ tɔ. Pə tɑɣɑ pʋlʋ, nyɑ́ tɔɔ kɛ́ mɑ sələməŋ kpɑɑkɩ.

⁹Hɑɩ, Tɑcɑɑ, wɑɑsɩ-m mɑ kolontunɑɑ niŋ tɑɑ. Nyɑ́ cɔlɔɣɔ mɑ pɛɛkəɣɩ kpʋlʋɣʋ tʋɣʋ.