5Tauto matag iŋgal imuul ila pa mbeb to muuŋ tivot. You naghamgham ŋgar pa uraat tintina naol to yom ugham di pa nimam.
6Ve nakaak nimag iza ve nasuŋ payom. You lolog payom kat, nanimale ŋgeu to ilaghlaagh ila ndug to le ya maau, ve murun matini.
7O Yoova, ulooŋ suŋuuŋ tiou tonene, ve uul ghou rikia. Pasa, lolog ipataŋan, ve tapirig isob kat. Uŋgooz matam payou malep. Matam inim payou lak! Pa vene namaat ve nala naneep ila mateeŋa ndug todi.
8Yoova, you nanumeer ghom. You naghaze mboŋmaagh nalooŋ ghom usaav payou ughaze: “You lolog ineep tuŋia ilat tiom.” Upatooŋ ghou pa ataam to yom ughaze nataghoni. Pasa, you lolog payom, ve naghur matag payom pa uul ghou.
9Yoova, you nayooŋ ilat tiom, leso naneep pooi. Ugham mulin ghou ila koiagŋa nimadi.