A Umana Kakailai 143:5-9

⁵Iau nuk pa mule ra umana bung amana, Iau nununuk ta kaum lavur mangamangana, Iau nununuk ta ra kau i ra limam.

⁶Iau tulue vaarike ra ura limagu piram; A tulungeagu i mar up u da ra pia i mage. Sela.

⁷Luluai, una pampam ma una torom tagu; a tulungeagu i tar bilua. Koko una ive ra matam kan iau; Kan ina varogop ma diat dia kuba ta ra Tung.

⁸Na malana una tabar vamaur iau ma kaum varmari, Tago iau rivarivan piram. Una vaminana iau ta ra nga ba ina vanavana tana; Tago ra tulungeagu i nuk up u.

⁹Luluai, una valangalanga iau kan kaugu lavur ebar; Iau vilau piram upi ina ki bakit tam.