YAASINƆ 30:6-14

⁶Ǹton yãke kaara à yã guuro, lɛ àton n ɛgɛ kánnɛ n ↄzĩro yãnzi.

⁷Yã mɛ̀n plaaan mɛ́ɛ gbekaamma Dii, ǹton gíomɛro ai màgↄ̃ gá ga.

⁸Ǹ ma kɛ̃ yãpã'onaa kↄ̃n ɛgɛtonao, ǹgↄ̃ ma gbaa pↄ́blee mↄkↄ̃anayão. Ǹton ma kɛ takaaside kesↄ̃ ↄↄde sà ũro,

⁹lɛ pↄ́ tóngↄ̃ dimazi mà lɛ́ sɛ́nzi mà be dén Dii ũu yãnzi, lɛ takaasi tón ma kũ mà kpãi o mà n tↄ́ yakaro yãnzi.

¹⁰Ǹton yã di zↄ̀a a dii kiiaro, lɛ àton n ká à n lero yãnzi.

¹¹Gbɛ̃kenↄ kuu aↄ̃è ń denↄ kámɛ, aↄ̃è sa maaa o ń danɛro.

¹²Gbɛ̃kenↄ kuu aↄ̃ègↄ̃ daa wà gbãsĩro, mↄde aↄ̃ zaakɛɛ e kɛ̃ḿmaro.

¹³Gbɛ̃kenↄ kuu aↄ̃è ń zĩnda sɛ́ lezĩ, aↄ̃è gbɛ̃nↄ gwa wà kwɛ́ɛ.

¹⁴Gbɛ̃kenↄ kuu aↄ̃ swaa dɛ lán fɛ̃ɛdaa bà, aↄ̃ swaa sↄ̃ntɛnↄↄ dɛ lán fɛ̃ɛnↄ bà, aↄ̃è anduna takaasideenↄ kↄ̃n gbɛ̃ntee wɛ̃ndadeenↄ kɛo gyaigyai.