YAASINƆ 24:1-15

¹Ǹtongↄ̃ lugaa gbɛ̃ zaaanↄ gwenaziro, ǹton kakↄ̃anyona ni dɛ sero,

²zaakɛ yã gbãaa laasuu bé ègↄ̃ kú ń swɛ̃̀n, yãkete ègↄ̃ kú n lɛ́mmɛ.

³Ɔ̃ndↄ̃ↄn wè bɛ kpáɛo, làakari è tó àgↄ̃ pɛɛna.

⁴Dↄ̃nan wè pↄ́ káo kpɛ́nↄ pa kↄ̃n auziki maa bɛ̀ɛdeeo.

⁵Ɔ̃ndↄ̃dee gbãaa ègↄ̃ kaaramɛ, dↄ̃̀ri iko ègↄ̃ gaa aɛmɛ.

⁶Baaru è tó wà zĩ̀ asãnsi dↄ̃, tó yãkɛkɛrinↄↄ pari, è tó wà zĩ̀ ble.

⁷Ɔ̃ndↄ̃ↄ lezĩ dɛ faasaideela, lakutu kↄ̃kakↄ̃aa guu à lɛ́ ègↄ̃ nakↄ̃anamɛ.

⁸Gbɛ̃ kɛ̀ ègↄ̃ zaakɛnnɛna laasuu vĩin wè à sísi mↄnafikide.

⁹Yãfaasai wàaripana nɛ́ durummɛ, gbɛ̃ke ègↄ̃ ye faboriziro.

¹⁰Tó n mɛ̀kpɛtɛ kɛ̀ nawɛ̃akɛgurↄ, n gbãaa bítaro.

¹¹Ǹ gbɛ̃ kɛ̀ aↄ̃ mì pɛ̀ gaaanↄ mì sí, ǹ gí gbɛ̃ kɛ̀ aↄ̃ sòro wèe sii kaatɛnannↄnɛ.

¹²Tó n bè: O'o, wá dↄ̃ yãro fá, Luda kɛ̀ nↄ̀sɛguuyã dↄ̃ é eroo? N wɛ̃̀ndi gwàri à yã dↄ̃, eé fĩa bo baadenɛ a yãkɛnaamɛ.

¹³Ma nɛ́, ǹ zↄ́ ble, zaakɛ à maa, zↄ́sa è kɛ lɛ́nɛ nna.

¹⁴Lɛn ↄ̃ndↄ̃ↄ è kɛ gbɛ̃nɛ nna a nↄ̀sɛn lɛ. Tó n ↄ̃ndↄ̃ kũ̀, nɛ́gↄ̃ ziaa vĩ, tãmaa é n nɛro.

¹⁵Dàde, ǹton gbɛ̃ maaa ua kpákparo, ǹton à bɛ pↄ́nↄ kpokɛro.