YAASINƆ 22:9-27

⁹Luda é aubarika da gbɛ̃ kɛ̀ gbɛ̃kɛɛ vĩin kɛ̀ è pↄ́blee kpaatɛ takaasideenↄnɛ yãnzi.

¹⁰Ǹ pɛ́ faboria, swèe é mì dɛ, yãkete kↄ̃n wío é yãa.

¹¹Nↄ̀sɛpuradee kɛ̀ à lɛ́gbɛ nna bé eégↄ̃ dɛ kína gbɛ̃nna ũ.

¹²Dii wɛ́ɛ ègↄ̃ tɛ́ dↄ̃nazi, è mìkpɛɛ zu náanɛsaide yãnɛ.

¹³Mɛadee è be músu kú bàazi, tó ma bↄ, eé ma dɛ gãalɛ.

¹⁴Kaarua lɛ́ nɛ́ wɛ̀ɛ zòotomɛ, gbɛ̃ kɛ̀ Dii pↄↄ fɛ̃̀o è lɛ́ɛ à sin.

¹⁵Faasaiyã ègↄ̃ kú nɛ́nↄ swɛ̃̀n, totona kↄ̃n flã̀o é tó aↄ̃ kɛ̃a.

¹⁶Gbɛ̃ kɛ̀ è wɛ́ɛ tã takaasideea lɛ à a auziki kaara kↄ̃n gbɛ̃ kɛ̀ è gba da ↄↄdeenɛo, aↄ̃ píngi é kɛ̃sã.

¹⁷Ǹ swã kpá ǹ ↄ̃ndↄ̃rinↄ yã'onnɛna ma, ǹ n nↄ̀sɛ wɛ̃ ma yãdannɛnanɛ,

¹⁸zaakɛ à nna ǹgↄ̃ kũna n swɛ̃̀ guu, àgↄ̃ kú n lɛ́mmɛ.

¹⁹Baa mpi, mɛ́ɛ yã daannɛ gbã̀a, lɛ ǹgↄ̃ Dii náanɛ vĩ yãnzimɛ.

²⁰Ma yã'onnɛna kɛ̃̀nnɛ mɛ̀n baaakuri, yã pìnↄ lɛ́damma kↄ̃n dↄ̃nao vĩ.

²¹Mɛ́ɛ yãpuraa kɛ̀ náanɛ vĩi daannɛ, lɛ ǹ e ǹ yã weńla a zɛ́amɛ.

²²Ǹton gbãasaidee ble à gbãasaikɛ yãnziro, ǹton gbãaa mↄ wɛ̃ndadeenɛ yãkpaɛkɛkiiaro,

²³zaakɛ Dii é yã síńyo, eé wɛ́ɛ tã gbɛ̃ kɛ̀ aↄ̃ↄe wɛ́ɛ tãaḿmanↄa.

²⁴Ǹton gbɛ̃nna kpá kↄ̃n pↄfɛ̃rioro, ǹtongↄ̃ tɛ́ kↄ̃n pɛ̃tɛ̃deeoro,

²⁵lɛ ǹton à dà sɛ́ɛ ǹ n zĩnda kpá yãziro yãnzi.

²⁶Ǹton gbɛ̃ke fĩa di n musuro, ǹton kpɛ́gaau sɛ́nɛro.

²⁷Tó ń pↄ́ke vĩ ǹ fĩa booro, weé n daɛbↄ sɛ́ n gĩzĩ.