YAASINƆ 22:4-21

⁴Zĩndabusana kↄ̃n vĩakɛna Diinɛo gbɛ̀n auziki kↄ̃n bɛ̀ɛo kↄ̃n wɛ̃̀ndio ũ.

⁵Lɛ̀ kↄ̃n takutɛɛo kú gbɛ̃ dↄ̀rↄsaide zɛ́n, gbɛ̃ kɛ̀ ye aafiazi è kɛ̃ḿma.

⁶Ǹ nɛ́ féte da zɛ́ kɛ̀ dɛ à sɛ́a, tó à ìsi kũ̀, eé kɛ̃aro.

⁷Auzikidee è gbãaa mↄ takaasideenɛ, pↄ́sɛ̃kãri è zↄ̀ ble pↄ́deenɛ.

⁸Gbɛ̃ kɛ̀ à à zaaa tↄ̃̀, adee é yã e à kɛ̃gurↄ, à pãsĩkɛgo é à gbɛ̃.

⁹Luda é aubarika da gbɛ̃ kɛ̀ gbɛ̃kɛɛ vĩin kɛ̀ è pↄ́blee kpaatɛ takaasideenↄnɛ yãnzi.

¹⁰Ǹ pɛ́ faboria, swèe é mì dɛ, yãkete kↄ̃n wío é yãa.

¹¹Nↄ̀sɛpuradee kɛ̀ à lɛ́gbɛ nna bé eégↄ̃ dɛ kína gbɛ̃nna ũ.

¹²Dii wɛ́ɛ ègↄ̃ tɛ́ dↄ̃nazi, è mìkpɛɛ zu náanɛsaide yãnɛ.

¹³Mɛadee è be músu kú bàazi, tó ma bↄ, eé ma dɛ gãalɛ.

¹⁴Kaarua lɛ́ nɛ́ wɛ̀ɛ zòotomɛ, gbɛ̃ kɛ̀ Dii pↄↄ fɛ̃̀o è lɛ́ɛ à sin.

¹⁵Faasaiyã ègↄ̃ kú nɛ́nↄ swɛ̃̀n, totona kↄ̃n flã̀o é tó aↄ̃ kɛ̃a.

¹⁶Gbɛ̃ kɛ̀ è wɛ́ɛ tã takaasideea lɛ à a auziki kaara kↄ̃n gbɛ̃ kɛ̀ è gba da ↄↄdeenɛo, aↄ̃ píngi é kɛ̃sã.

¹⁷Ǹ swã kpá ǹ ↄ̃ndↄ̃rinↄ yã'onnɛna ma, ǹ n nↄ̀sɛ wɛ̃ ma yãdannɛnanɛ,

¹⁸zaakɛ à nna ǹgↄ̃ kũna n swɛ̃̀ guu, àgↄ̃ kú n lɛ́mmɛ.

¹⁹Baa mpi, mɛ́ɛ yã daannɛ gbã̀a, lɛ ǹgↄ̃ Dii náanɛ vĩ yãnzimɛ.

²⁰Ma yã'onnɛna kɛ̃̀nnɛ mɛ̀n baaakuri, yã pìnↄ lɛ́damma kↄ̃n dↄ̃nao vĩ.

²¹Mɛ́ɛ yãpuraa kɛ̀ náanɛ vĩi daannɛ, lɛ ǹ e ǹ yã weńla a zɛ́amɛ.