2Zↄ̀ laakaride nigↄ̃ gbãna vĩ nɛ́ wé'idammarii musu, anigↄ̃ baka vĩ ↄn túbi gũn.
3Òdi andurufu kũ wuraao baasa, ama Dikiri dì ń swɛ̃̀ɛ tàasi ká.
4Gbɛ̃ vãni sã dìgↄ̃ nna kũ yãdↄrↄsario, ɛ́kɛde laakarii dìgↄ̃ kú gbɛ̃piriia.
5Gbɛ̃ kũ àdi takaside fobo dì a Kɛ̀ri gya bo, gbɛ̃ kũ àdi gbɛ̃ yáa dↄ kisiraa ni bo pãro.
6Daikorenↄmɛ ń dizinↄ gakuri ũ, denↄmɛ ń nɛ́nↄ ĩadãbↄ ũ.
7Yãzɛde'onaa dì kↄ̃ sí kũ yↄ̃nkↄoro, ɛ́kɛ dì kↄ̃ sí kũ bɛ̀ɛrɛdeoro.
8Gusarɛgba de yↄbande ũ a dàriinɛ, gu kũ à lìtɛn pínki a tá dìgↄ̃ nnamɛ.
9Gbɛ̃ kũ à lá kù taarila tɛn yenyĩ wɛtɛmɛ, yãzĩfutɛri sↄ̃, àdi gbɛ̃nna kɛ̃kↄ̃a.
YAASINƆ 17
YAASINƆ 17:2-9