Yáasiↄ 27:5-24

⁵Gbɛ̃́ gbaa laai bíla wáa maa dɛ yea gbɛ̃́zi yãe oaɛ̀ saia.

⁶Gbɛ̃na yã'ↄ̃ma kpaańzi náai vĩ, ibɛɛ lɛ́pɛama mↄafili vĩ.

⁷Gbɛ̃́ pↄ́ kãa ì zazakũ zↄ́waɛ, ãma nↄandɛna pↄ́ kĩ̀sã dↄ̃o.

⁸Gbɛ̃́ pↄ́ kɛ̃̀ a uawa àlɛ bɛbɛbɛbɛ dɛ lán bã pↄ́ sã̀sã a sakpɛwawaɛ.

⁹Nísi gĩnana ń tulaletio ì ń pↄ kɛ na, lɛdaakↄ̃wa ń nↄ̀sɛmɛndoo ì gbɛ̃naↄ kɛ na.

¹⁰Ńsu ǹ n gbɛ̃na vũaao ge n mae gbɛ̃na. Tó yã́ n le, ńsu gɛ́ n vĩ̀i ge n dãuna bɛo. N gbɛ̃́dee pↄ́ kú kãi maa dɛ n bɛ gbɛ̃́ pↄ́ kú zã̀a.

¹¹Ma nɛ́, ǹyↄ̃ ↄ̃nↄ, ma pↄ i kɛma na, mí e yã́zãsi ma sↄ̃̀sↄ̃naↄwa.

¹²Laaide ì dↄaa vãi e ↄ̃ ì ulɛɛ̀, làasoosaide ì gi àↄ gɛ́ ↄ̃ ì yã'e.

¹³Tó gbɛ̃́ nibↄ fĩa dì a miwa, ǹ aà ula sí, ǹyↄ̃ kũa tↄ̀ↄma ũ gbɛ̃́pi gɛ̃ɛ ũ.

¹⁴Tó n lɛdà ía n samaa'ò n gbɛ̃́deeɛ kↄↄkↄↄ, wa dilɛ savãi ũɛ.

¹⁵Nↄ sòlede muaa ń í pↄ́ lɛ́ tↄ̃tↄ̃ zɛsai lou zã́oɛ.

¹⁶Aà zùukɛaá ĩ́ana zùukɛaɛ, ade lɛ́ í ↄkũkpaɛ.

¹⁷Lá mↄↄ ì kↄ̃ lɛkɛ, màa gbɛ̃nazĩna ì a gbɛ̃́dee kɛkɛ.

¹⁸Tó n laaidↄ̀ lí nɛ'inawa, ńyↄ̃ a nɛ́ ble, tó n ↄlìa n diizi, a n kpɛla.

¹⁹Lá gbɛ̃́ ì a oa e í guu, màa gbɛ̃́ ì a nↄ̀sɛ dↄ̃ a yãkɛawa.

²⁰Lá gɛↄ lí mↄ́ bɛda ń tɛ́owao, màa gbɛ̃́ wɛ́ yea pↄ́i lí mↄ́wào.

²¹Wì ã́nusu ń vuao maa dↄ̃ a baasaa guuɛ, màa wì gbɛ̃́ bɛɛɛ dↄ̃ aà tↄbↄa guu.

²²Baa tó n faasaide kà góu ńlɛ aà sabo ń pↄ́wɛnao sãnu, aà faasaikɛ a kɛ̃wào.

²³Nìliↄ n pↄtuoↄ kua dↄ̃ maamaa, laaidↄ n kpàsa pↄ́ↄwa.

²⁴Asa àizɛɛ líↄ ku gↄↄpiio, mɛ́ gawi líↄ gɛ́ wɛ̃ ń wɛ̃oo.