Waha Rara 21:15-20

¹⁵“Ŋic moczi neŋgoc mamac jahec‐ticne jofaocmu e wâc qâhâmozo.

¹⁶“Ŋic moczi âgo‐ticne fiuc rorâ furi roocte ŋic gâcne qikiŋne‐jareocmu me e jahacne kiŋaŋ qaqa juocte fiuc roocmu ŋic iŋucne hâmocko râezo.

¹⁷“Moc e neŋgoc mamac jahec‐ticne sâwec‐jofaocmu e wâc hâmocko râezo.

¹⁸“Ŋic jaŋe dâŋ mumuc ehuc moczi ŋic âgo‐ticne qânâzi me mehuhuŋzi heme mi hâhâmo mâc puriŋ erâ

¹⁹juku mocwâc biaŋkerâ gunuo sâcne juocmuo ine ʒika qawec ŋic e okac tâmiric juzejec. Mâc âgo‐ticnere gie dameŋ sipirickekicnere furine râcnezejec, ehuc dotazi erao gie baocte wâc furine mâmâc râezejec.

²⁰“Ŋic moc e kiŋaŋ qaqa‐ticne ŋic me ŋokac qaha qaha hâmoocmuo ine bâbâtiŋko râezo.